[الراعي]

بسم الله الرحمن الرحيم

	وش شعور المزارع لا زرع ما جنا

المصادر وثيقة والقرايح عذاب = ومشعل الحق بين والمناره سنا
يا وسيع المعرفة يا عزي الجناب = لا يجي في فؤدك للرفيق شحنا
لا يجي بين عينيك والحقيقة ضباب = للمواقف رجال وللنعيم خدنا
من بنى ساس بيته فوق ساس خراب= بشره في حياته بالشقاء والعنا
يا رجال العدالة دققوا الحساب = مقتفينا عذاب عقب موت وفنا
ما يجينا جواب لا رفعنا خطاب = ولا نعنز بجاه ولا نفك سجنا
وحنا هل السلة اللي ما تعض النصاب = للمعادي كعام وللرفيق عونا
صابرين على البلوى برجوى الثواب= وجاحدين المواجع والصدور دهنا
لين جلع الغرنوق وولد الغراب= والرفيق المباري عقب بعده دنا
ثم تذكرت والذكرى فتقت الحجاب = عن أمور كنيناها وطال الكنا
منهو اللي فتح للربع في الريع باب = في نهار ثوى واحد وواحد ثنى
وليلة العز حل وليلة الذل غاب = منهو اللي على رأس المحنى إنحنا
يوم الأربع غدا ثنتين وسط السراب = شرق دخنه قبل دخنه نصير دخنا
منهو اللي ثنى كحيلان قدم الحراب = يوم ذولا وذولا في المضيق وزنا
منهو اللي شرب فنجال شيب الذياب = شربة من شربها ردها ما أهتنا
من يدين تورد صامله ما تهاب = يوم ربي خلقنا ما خلقنا جبنا
عددوا في المواقف وإن نسيتوا جراب = ما نبي لاحد منة وفضل ولا حسنا
ضربنا بالسيوف وقطعنا في الرقاب= عدل الميل في المبنى وساس البنا
تحت راية معزي في سبيل الصواب= ما توانوا عن الواجب وما هوونا
إحتكم للشريعة في نصوص الكتاب = واستحق الزعامة واستحق الثنا
عودنا اللي عسى الجنة لروحه مئاب = طلبة تطلبها كل الأمة وأنا
وا تسأل مع نهاية مطاف الجواب = وش شعور المزارع لا زرع ما جنا