[فـــالح السبيعي]

المشاركة الأصلية كتبت بواسطة سبيعي-_-503

[SIZE="4"]

حبيبتي جمال الكون فيها مرصّـــع = الحلا والله ما مثلــــه حلا
ربي ما خلق شبيهٍ لها غير اربــــــع = القــــــمر والشمس ونجوم الملا
فيها خيال الزين والرب ابـــــــــدع = في خلـقها وتصويرها بنت الغلا
في نظرها العين والله تمـــــــــــتع = بــس البلا ان النظر عقبه انجلى
لان الحلا فالبنت كالنور يســـــــطع = يعـــــمي عيون الي مابهم اية بلا
والخشم سلة السيف والعين اوــــسع = نجمـــــتين فالقمر الي فوق اعتلى
ولبيه يا ذيك البسمه الي بتمـــــــنع = حــــــــــزن بلا القلب وفيه امتلى
والشَعر شلال فالليل شـــــــــــعشع = يازيــــــن ذاك الزول اهلا وسهلا
وليا مشت كنها تقول مــــــــــــطلع = شمس اشرقت في ديـــرةٍ ماتت كلا
فالمشيه الي كلها فن وتــــــــــــدلّع = غصبٍ على الحــــر يومي لها كهلا
حتّى المطوّع فحظرها ماهو مطـــوّع = السنه.....الواجبــــــه تلقـــاه زلا
الصوت عذب وعذوبته تغوي الورع = تلقاه حب ومحبته ماهيب ــــــسهلا
الجسم ياناس ماني موصف هالســنع = خوفي اكفركم وانا ناقــــــصٍ علا
الحب شينٍ يذبح الي مــــــــــــولّع = يجعل المعشوق قبلةٍ والعاشق مصلّى
حبّه سجنّي واناماريد منه اطـــــلع = وش حدك على المر الي امــــر احلى
حكم موبد خلف قضبانه اقــــــــمع = مهما توارى النظر فيني عنه ما اسلى
ياخي على الله خلها وش ذا الطبــع = حــــــبٍ بــــــــليّا هرج لازم يملا
اقول والناس توحي وتســــــــــمع = خير الــــــــــكلام ما قل والله ودلا
الحب معناه الحين بالطبـــــــــــع = شفنـــــــي واشوفك ونبدا الحب يلا

أهلا وسهلا ياسبيعي 503

أولااا القافيه لديك أخطاء كثيره:

أنت بدأت القصيده بقافيه حرف العين وقبله حرف مشدد (مرصّع)

يفترض أن القافيه تكون بعدها نفسها مثل:(مطوّع,مدلّع,تسمّع,تجمّع....وهكذا)

فمفردة (الورع , الطبع , تسمع ,السنع...الخ) لا تصلح مع القافيه التي بدأت بها

وكذلك الشطر الثاني فمفردة (الغلا) لا تصلح مع (مصلى)

لأن كلمة الغلا لايوجد بها تشديد على حرف اللام عكس كلمة مصلّى

كل هذه الملاحظات تستطيع إكتشافها من خلال نطقك للأبيات

فجرس القصيده الموسيقي للقافيه سيختل عند سماعك لها

أكثر ملاحظاتي عليك في القافيه بالإضافه إلى أنك خلخلت بناء القصيده

فبدأت ببيت مكسور وغير راكب نهائياا مع شطره الثاني وأستمريت تنظم خارج بحور الشعر

أتمنى أن أرى منك محاوله أفضل في المره القادمه

وشكراا لك,,,