السلام عليكم ورحمة الله وبركاته
قصيده من شاعر عملاق إلى شاعر عملاق
يـا نجـد شوفـك عيـد وزيارتـك عيـد
مـن بـد بـلـدان الخلـيـج ودولـهـا
وفيافـي الـعـارض تحلـيـك وتـزيـد
غـلاك عـنـد محـدثـك لا وصلـهـا
قولـي لهـا عنـي يـا دار الاجـاويـد
لاهــب غريبيـهـا وداعــب نفلـهـا
لا تحسبنـي فـدار اخـو مريـم بعـيـد
واهـي هنـا بيـن المحـانـي باهلـهـا
انــا سلـيـل معتقيـيـن المصـافـيـد
اللـي حـووّا فيـك الإمــام وشملـهـا
تـوافـدوا للبيـعـه ابــلا مـواعـيـد
قبـل يراسلهـا لـفـت لــه رسلـهـا
مـن منطلـق ديـن وقناعـه وتوحـيـد
نفوسهـم كانـت علـى الـعـود ولـهـا
مــا بايـعـوا بحـصـار ولاّ بتهـديـد
الله عـلـى فـطـره سليـمـه جبلـهـا
كـنـا ولا زلـنـا الـدهـاه الاوالـيـد
قـوم اصطفاهـا ذو الجـلال وجعلـهـا
يمنـى معـزيّ لا صفـق حيـد ٍ بحيـد
دون الألـف والــلام ولــلام والـهـا
أفعالـنـا تشـفـي كـبـود المضاهـيـد
لـو مـا أنخلقنـا ماوجـد مـن فعلـهـا
وفطاعـة آل سعـود صــم الجلامـيـد
نـسـاوي قممـهـا بــوادي سهلـهـا
وفطاعـة آل سعـود جـراهـد البـيـد
تنبـت فخـر مـن دمـنـا لا غسلـهـا
وفطاعـة آل سـعـود روس المقـاريـد
نجتثـهـا قــدام تـــدرك اجـلـهـا
حكامنـا والـنـا الفـخـر والتماجـيـد
ان فعلنـا الـسـم الـذحـاح لزعلـهـا
وحنـا لهـم فعـل وقصايـد واناشـيـد
واهـم لنـا معـنـى الحـيـاه وأملـهـا
وفشـاعـر الملـيـون نهـايـة المـيـد
لرضاهـم حصـان العـوامـر كفلـهـا
الشاهـق المطنـوخ سـقـم الحواسـيـد
فـكـره يعريّـهـا ويكـشـف جهلـهـا
فيـا اللـي تـزّود فالسواليـف وتعـيـد
دعـايـة الصنـوبـري مــن قبلـهـا
بدعـه ولا يذكـر ورى المبتـدع فـيـد
واغبـى مـن اللـي قالهـا مـن نقلهـا
نقـد ٍ بـلا معنـى حصيـلـه مناقـيـد
مـا يقـنـع الا روس جـوفـا وبلـهـا
وان كـان تبغـى رايـي وافـي وتأكيـد
لا جيـت عـقّـال الرياجـيـل سلـهـا
والله مـا تبـحـل ولا يمـكـن تحـيـد
بتـقـول مــال الحمـلـه إلا جملـهـا
والحملـه اللـي بركّـت كـل صنـديـد
فرعونـا ( نـاصـر) يـقـوم بدبلـهـا
شاعـر علـم : حنكـه وجـرأه وتجديـد
ينـزل قفـار ٍ مـاحـد ٍ قــد نزلـهـا
فكـر وشعـر ناهـي وراهـي مواريـد
وان مـالـت الدنـيـا بفعـلـه عدلـهـا
فرقـه عـن اقارنـه ومـن غيـر تعقيـد
قصـه ابشرحهـا وابـضـرب مثلـهـا
مطامـع الشعّـار فـي نــدّر الصـيـد
تحثهـم علـى السعـي فــي سبلـهـا
تقنـص لـهـا بسهومـهـا والبـواريـد
وهـذا رمـى هــذي وهــذا نبلـهـا
متزاحميـن وصيـدهـم دايــم زهـيـد
والنـادره تـشـرد ولا احــد ٍ قتلـهـا
ومن خلفهم ( ناصر ) على حصان ابو زيد
واليـا شـرد منهـن عصـيّـه ختلـهـا
ولا هـي غريبـه يـا حفيـد الاماجـيـد
لا شقـت مـن عيـا عليـهـا خجلـهـا
الكايـده بنـت الفـخـر قبـلـة الغـيـد
طرقـا ً زهـى منظـر جسـدهـا حللها
وانّـا معـك دعـم ومـواقـف وتأيـيـد
حتـى يبـيّـن جـدهـا مــن هزلـهـا
وان شحـت فيـاض الزمـن بالعناقـيـد
عــادي يكفيـنـا جنـيـنـا نخـلـهـا
وخلاصـة الموضـوع والشـي الاكيـد
جملـه و مـن قبلـي (فـلاح) ارتجلهـا
مـن غيـر قاصـر فالرجـال الصناديـد
(حنـا معازيـب القصايـد واهلـهـا ) *
الشاعر محمد جارالله السهلي
* قول الشاعر فلاح السبيعي :
إن كان لجزال القصايد معازيب
حنا معازيب القصايد وأهلها
منقووووووووووووووووووووول