[ولد يام]

[size=3]

بسم الله الرحمن الرحيم

السلام عليكم ورحمه الله وبركاته
اخواني مرتادي منتدى سبيع من قبيله سبيع ومن كل القبايل موضوع شاعر المليون صار الموضوع المحتل والمتصدر في كل المجالس والديوانيات خاصه بعد اعلان النتيجه
كل الناس كانو متوقعين ناصر اللي راح يفوز باللقب حتى الشبرمي كان مصدوم من النتيجه مع انه عارف ان قطر فاتحه التصويت مجانا لصالحه.. ماراح نحسده الف مبروك يالشبرمي على المليون درهم فقط لان البيرق في نظر كل شاعر وكل شخص متذوق للشعر هو لناصر الفراعنه.

اخواني جمهور ابو فارس خلونا نعيد حساباتنا شوي ونشوف هل ناصر اخطأ في المشاركه في البرنامج او لا انا شخصيا اول ماقالي احد اخوياي عن مشاركه ناصر تضايقت لاني عارف ان قصيد ناصر للناس اللي يفهمون للقصيد بس مو اي سخص يفهمه فتوقعت انه ينظلم من اللجنه اللي كان كل واحد منهم يحط ايده على خده اذا اسمعو صهيل ابو فارس مع ان القصيد مع كل واحد منهم ويقدر يقراها قبل البرنامج ويفهمها ويحللها بس للأسف كانت قصايد ابو فارس فوق مستواهم وكان ابو ناصر يعرف الشي ذا وكل المشاهدين ذوي الشاعريه العاليه يعرفون الشي ذا الا ان ابو فارس عزم على انه يكمل شي بدى فيه وذا طبع الرجال.

همسه في اذن ناصر " تبقى ناصر اللي وصلتنا قصايدك المسجله في نجران من قبل ضهورك في الساحه وأفضل الرجال اللي يوصلك ذكره قبل تشوف وجهه"

والسلام ختام للجميع

ولد يام

[/size]