[سعد بن جراش]

بسم الله الرحمن الرحيم

اخواني الأعزاء يسرني ان اضع بين ايديكم هذه القصيدة المتواضعة والتي وجهتها الى اخي نايف الناقول

مؤخرا ًواعتقد ان مضمونها واضح فارجو ان تحوزعلى اعجابكم

[poet font="Arial,4,white,normal,normal" bkcolor="transparent" bkimage="backgrounds/22.gif" border="double,4,black" type=0 line=350% align=center use=ex length=45 char="" num="0,black" filter=""]
ياقصيد المواجع والحزن والكآبه =اقرب شوي نــوّ خ مــُــتـعــَبــات الركايب

مالك الا الحشيمه والسعد والمهابه = في حمى اللي يحل المبهمات الصعايب

اقــلط فــوسط قـلب ٍ ماقـفـل يوم بابه = في وجـيـه المعـاني والعــدا والقرايب

احمل اشواق قلبي00لوعته وارتيابه = من عـلوم ٍ تخلي راعي الحول شايب

نصها الصاحب اللي طال عني غيابه = قل له البدو حالوا وانت مازلت غايب

قل له الغـيث حّول من صدوق السحابه = وانت مازلت ترجي كاذبات السحايب

قل له القيض مقبل وانتبه من سرابه =لايغــرك بـريـقه تـتـبعـه فـالــلـهــايـــب

قل له ان الدفاتر ماتطيق الكتابه = قل له ان البـيـوت امست قبــور ونـــصايـب

قل له البيت سقفه طاح واصبح خرابه = مابقى فيه غير البوم وسط الــخرايـب

قل له العذر للي ملتهي مادرى به = يحسب البـيـت صاحي مادرى بالمصايـــب

مير هذي رساله مُـبهمه لـلذ يابه = والصقـور الجوارح قـبـل وقـت الطلا يــب

وانت حر ٍ نداوي في بداية شبابه =انهض الريش وابعــد ياعـطــيب الضرايــب

وانت شاعر جمعني به قصيد وقرابه = نايف اللي ذ خرته محزمي فالــنوايــب

جت لك حروف شعري والسؤال وجوابه = في قصيد الكآبه فوق عوص النجايب

والقصايد تشابه مير مابه تشابه = بـيـن شاعـر وشاعـر بين مخــطــي وصايـب

[/poet]