[سفير الحرية]

بسم الله الرحمن الرحيم

السلام عليكم ورحمة الله وبركاته

بدايةً أحب أخبركم إني مو سبيعي

ثانياً: سبب تسجيلي في المنتدى هو:

أني كنت أبحث عن شيءٍ ما في القوقل

ولقيت غرضي في منتداكم هذا

بس طلب مني التسجيل،

قلت ياالله...

"الحكمة ضالة المؤمن أنى وجدها فهو أحق بها"،

توكلت على الله وسجلت ، بعد إتمامي

للتسجيل تفاجأت بالجملة هذي.

(المنتدى لا يقبل عضويات النساء والأسماء الغير مناسبة).

اسمحوووووووووووولي يا أعضاء ويا إدارة المنتدى ، اسمحوووولي.

عــــــــــــــــــــــــــيب والله عيب

الحق ،، ينقال

ليش ما تقبلوا تسجيل النساء ؟

عندكم أشياء ما تبغوهم يشوفوها؟؟؟؟

إذا كان الجواب نعم ، أقول: خافوا الله من يومٍ تردون فيه إلى الله.

أما إذا كان الجواب لا ، وإنكم خايفين من الإختلاط ما أقول إلا الله يصلحكم بس ،

أي إختلاط وأي خرابيط؟؟!!!

ترى الزيادة في الدين زي النقصان.

وكل بدعةٍ ظلالة ، وكل ظلالةٍ في النار،

وكل ما زاد عن حده إنقلب إلى ضده

الأشياء هذي ماهي من الدين .


إحتمال كبير أنطرد من المنتدى ، مع العلم إني ما قد انطرت من منتدى قبل كذا.

لكن أحب أقول شي ، لو في بنت ودها تسجل بتسجل بنك ولد

وتتكلم على انها ولد ، هذي وحدة.

الثانية:إذا نويتوا تلغوا عضويتي ، تراني خلاص أخذت غرضي من المنتدى وما عندي مشكلة،

أما إذا ما راح تلغوها وتناقشوني برواقة وهدوء ، أقدر لكم ذلك وأحترمكم ؛

لأن اسلوب الإنفراد بالرأي اسلوب فاشل حقيقةً.




ومن جهة ثانية:

بصراحة أنا ما قلبت في المنتدى،

يعني يمكن تقولوا: هذا جاي يعلمنا

ومدري ايش ، ويشوف المنتدى بنظرة سلبية.

لا لا لا ، معليش يا شباب،

ما في شي إلا وفيه سلبيات وإيجابيات،

وزي ما المنتدى فيه حاجة سلبية "من وجهة نظري طبعاً"

أكيد فيه حــــــــاجــــــــــات كثيرة إيجابية.



أتقبل كل الإنتقادات والإعتراضات قبل التأيّد.

ولي رجعة إن شاء المولى ،

وإن شأت إدارة المنتدى...



ولكم تحياتي/سفير الحرية