[خالد الشماسي]

[poet font="Simplified Arabic,4,darkblue,normal,normal" bkcolor="transparent" bkimage="backgrounds/16.gif" border="groove,4,burlywood" type=0 line=200% align=center use=ex length=0 char="" num="0,black" filter=""]
هاض مابي شاعر من بحوره ينهلي = صرح شعره شيده والأوادم ورخوه
=
وافي من وافي بالكتابة سجلي = فوق صفحات الأوراق الجديده سطروه
=
ما عليه قصور يطلب وغيره يجلي=والطلب يكثر على الزين من اللي جربوه
=
يا محمد بيض الله وجهك يا شلي =يا رفيع الجاه قولك هل الراي أيدوه
=
تمدح أهل الطيب والجد منك يجدلي=يوم بعض الناس يخفي الحقايق لنشدوه
=
ما يغط النور غير الرخوم السفلي = منهج الشجعان عسر وعجزوا ما مشوه
=
الكلام الصدق بين اليا من حللي=لا صدر من راعي العقل مثله صدقوه
=
الحقايق واضحه للذي يتأملي = والتواريخ القديمة تذكر ما نسوه
=
والنعم بك يا محمد وربعك ربع لي =كل بونا ربع لا رد علما وانسبوه
=
ربعك أهل الجود لا جاء كلام الجندلي = منهم أبن جورية أكرم اضيوف نصوه
=
قطع أعذوق النخل كله بوجه جلي =يثني الترحيب باللي من الغربة نصوه
=
والنعم بولاد شماس ربع صملي =يلطمون العايل المعتدي لا قابلوه
=
ربعنا لا صاح صياح مشراف خلي =كم قطيع يحتمونه ومثله قد خذوه
=
يا البحيح الله يعزك وعشت مجملي= ربعك الشجعان كم فارس قد جندلوه
=
والختام بذكر رب عزيز أولي = عالم بأسرار كل العباد ولا خفوه
=

[/poet]