يا متعب تراء صبري تعدا حدوده حيل
لي فوق الشهر والجفن محروم من نومه
يا متعب ليا كيفت راسك من ام الهيل
خز يا حر علم الحر ثم قيس اعلومه
اعصب غترتك يا زيب وراك مسرا ليل
بامر الله نبي يا متعب نبعد الحومه
على وادي الخرمه نبا مزبحين الحيل
قومن سعد منهم يا ابيض الوجه هم قومه
ترا سبيع عزك عزوتك متعبين الخيل
هل الطيب وهل المجد والفخر والزومه
لهم سجل التاريخ جيلن تبعله جيل
يوم ان الردي تاريخ ماضيه له لومه
وكل القبائل كفوا ما يرتضون الميل
كلا ماخزن بالطيب حقه ومقسومه
ولا اديت واجب من له الحق والتفضيل
حق زيارته علي وعليك ملزومه
مشكور وعسى يفداك من الازوم خبيل
لاجسيت نبضه لاهو بومه ولد بومه
ولا انكفت معك امنه انمر على شعيل
ترا له مكانه داخل القلب مرسومه
اعزه و احبه يابو سياف واف الكيل
طيب سلم وانا الطيب اقدس اسلومه