[الرايق]

هذه قصيده للشاعر محمد بن ناصر العريني من رياض الخبراء في ابنه عبدالله بعد وفاته وهي مرثيه[poet font="Simplified Arabic,4,black,normal,normal" bkcolor="skyblue" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
0فقدت طير تو ماصف له ريش=عساه يشفع لي بيوم القيامه
حبه بقلبي خدش القلب تخديش= عبدالله ابني ماعليه ملامه
على فراقه صار نومي تناويش= تطري عليه ضحكته وابتسامه
الدايم الله مابه انسان ايعيش= كل يبي يفنى وتفنى عظامه
ماعاش فيهاالهاشمي صفوة قريش= الهادي المهدي رفيع مقامه
الرابح اللي جاهز للمطاريش= معه زهاب ويحسن الله ختامه
دنياك تصفي يوم وايام تشويش= وايام توريك القهر والندامه
دنياك فيها الناس يوم معاطيش= ويوم بها المظمي يحقق مرامه
يامغلي الدنيا غلاها على ويش= ازهد بها واعمل لدار الكرامه
خل العمل صالح ولا فيه تغشيش= الله يوفقنا طريق السلامه
وصلاة ربي عد ماسار من جيش= على النبي خير الكلام وختاه
[/poet]