[عواكيس]

بسم الله الرحمن الرحيم

= : (( حنا هل الغلباء ومثلوثة الزاد = تشهد على ما قلت حضر وبوادي )) : =

يقول من جاله علـى الشعـر ميـراد= ورد الحيام اللـي عـن المـاء تـذادي
وليا أقرعت في الصدر مهيـب تنـذاد= هذيـك نقهرهـا والأخـرى تقـادي
وعن غير يمه عـوس مهيـب تنقـاد= تقطـع مصاريـع الرسـن بالايـادي
وللمرشد أسمـع واتحـرى للارشـاد= ولا كل مـن يرشـد يـدل الرشـادي
ومن لا خذا عبره من الوقت مـا فـاد= يروح عمـره شايـب مـا استفـادي
وأنا ليـا جتنـي هواجيسـي أضمـاد= بيحـت مكنـون الضميـر الحشـادي
كنـه يجاوبنـي ليـا أنحيـت نشـاد= يا الله داعي خيـر يـا اللـي تنـادي
من هاجسً في الصدر سرداد مـرداد = حرك علـي عمـدان تهـم الجـرادي
ولا أحلى من المعنى على الدال والضاد= قـول يعبـر والمثـايـل جــدادي
ولا تنتعبـر قصـة ما لهـا اسـنـاد= ولا حكم للـي مـا عليـه استنـادي
ولا ينتغالـط بيـن شعبـان وجمـاد= شعبان وضعه يختلف عـن جمـادي
وجعل الحيا لا جاء من الغـرب منقـاد= يسقي وطن عزوة قصيـر المهـادي
ديرة سبيع أهـل النفايـل والأمجـاد= عز الصديق وكسـر عـز المعـادي
بنـي عمـر لا قيـل رده ومـعـواد= واّلاد عامـر مقحمـيـن الـطـرادي
بأذكـر قليـل مـن كثيـر بالأفنـاد= وهذا الدليـل اللـي عليـه اعتمـادي
تاريخنا أبيض من ثمود ومـن عـاد= بالأمـن وإلا فـي سبيـل الجهـادي
والعشر منا هـي وأهلهـا بالأعـداد= من معجزات العصر عشـر اعـدادي
نقرة سنـام اللـي علـى حـد بغـداد= فيها عمـار أهـل الركايـب تقـادي
وأما السبية جت علـى زنـد وزنـاد= ولا زانت إلا عقب ضرب الركـادي
تخطيط شيـخً تعرفـه كـل الأجـواد= عسـاف شـيخ سبيـع سمـح المبـادي
شيـخ القبيلـه دون شـك وتــرداد= وعقـادته تتعـب غـزال الـشـدادي
وكم شيـخ قـوم لا نوانـا بمهجـاد= سلايـل الغلـبـاء لـعـزه نـفـادي
ويعتز من حنا لـه أعـوان وأحفـاد= وللـي يعادينـا نـغـزل القـيـادي
ولنـا بكـون .... كــون معـتـاد= أكبر وهي لـه عندنـا شـي عـادي
الله يرحـم شايـب تحـت الألـحـاد= عجـران فـي قولـه يـدل القـوادي
وإلا العريق اللي جت علـى حمـر الأنفـاد= عنـد البكـار ومقرعـات التـوادي
بنـي فهيـد شهودهـا جوهـم عنـاد= وأرخوا الأعنه قـدم وجـه الجـرادي
وهـيـة .... تشـيـب بـــالأولاد= بيـن الفتايـل والنمـش والهـنـادي
ومن لا يصيد الناس مهـوب ينصـاد= وإنـا الفـدا نصيـد وإلا نـصـادي
ومثـل المسمـى ضبع وعلـوم بعـاد= ويطـول شـرح السالفـه بامتـدادي
سوالـف غنـا بهـا كـل قـصـاد= وابـن شليـه قالهـا لابـن هادي
لا خـان فينـا خايـن يقشـع الشـاد= عليـه منـا كسـر عـز وسـوادي
وفي شيخنا علي المجـدع لنـا اّكـاد= وعيب على اللي مـا بقولـه وكـادي
اّلاد العزيزي ميبسـة سـود الأكبـاد= واّلاد جابـر لا حـدا كـل حــادي
مـا عـاد رد العـلـم للـقـوم رداد = تسعين لحيـه جـو عشـى للحنـادي
ومن اعترض ما بين سايـم وحـداد= حنـا نـزاود فيـه يـوم الـمـزادي
وننـزل بـلا منـة حامـد وحمـاد = ويشوفنـا بالعيـن دنـس الثـنـادي
رام العوافـي عـقـب ذاك التـهـداد= وإن شـاف مالـه دور شـد الحيـادي
وليـا بلانـا شـر ...... وعــواد= ما للعـدا إلا نطـح وجـه الـعـوادي
والغيض منـه الضيـم وإلا التصـداد= وقهر الرجال أكبـر حيـاة الزهـادي
والتصفيه من عقب تسديـد الأقصـاد= والعلـم واحــد والــدوادي دوادي
حريبنـا مـا يهتنـي بأكـل ورقـاد= ويضيق بـه منـا وسيـع الحمـادي
مثل ..... اللي حصـل فيـه جـلاد= لولاه طمعـت فـي وطنـا البـوادي
وكم عجـة كدر بهـا كـون وطـراد= لا حركـت خشـم الفتيـل الـزنـادي
ومـثـل ..... فعلـنـا بالـعـدا زاد= بـلا علـى العـزة بشـد العضـادي
وكم فارس لا أقبـل ولا هـوب حـواد= نرميه عنهـا لا أقبلـت بـه تـرادي
لا دنـدن المـاء والحمـر بيـن الأذواد= يا ما طرحنا مـن شجـاع وجـوادي
وحنا هل الحاير هل الغـرس وشـداد= وليـا زعلنا يمتلـي كــل وادي
هذي بروج الحرب في روس الأرجاد= مـا نتقـي فـي حـر وإلا بـرادي
فالديرة اللـي ما لنـا غيرهـا ابـلاد= أقـدم بلـد لسبـيـع ذاك الـبـلادي
ملك لنا بالسيف من عصـر الأجـداد= ومن دونها ما نستمـع قـول عـادي
الترك ننحاهـا ورا حـد الأكــراد=ومن جا يبي الحاير هله لـه عفـادي
وابن حمد يـوم امتلـت كبـده أحـقـاد= حطت يمينه تحـت راسـه وسـادي
من ضرب أخو قوت هجد كـل حشـاد = ابـن شبيـب اللـي علومـه بعـادي
إما حصل فعل علـى روس الأشهـاد= والله يلومـك يالذلـيـل الـربـادي
واللـي مقيـم مقيـم ويشـد شــداد= ولا للحبيب مـن الحبيـب انفـرادي
حب الوطن يجري مـع الـدم والـزاد= والعين مـن دونـه تعيـف الرقـادي
دار بهـا للجـار ملـجـا ومقـعـاد = واللي مـن أقرابـه حدتـه الحـوادي
منا ومعنا مـا نـوى قشـع الأوتـاد= كنـه ولـد عـم وبقـران حــادي
واللي قصيره شايـف منـه الأنكـاد= يصبر ليا لحقـه بعـض الإنتقـادي
حيث السوالـف فيـه دراس وجـداد= ويقصر من الفنجـال خثـر القنـادي
والشـكـر لله والثـنـاء والتحـمـاد= ولا نيب ناسي فضـل رب العبـادي

أخوي / جزل العطايا بيض الله وجهك وصح لسان الشاعر / فراج بن محيلب ويذكر كبار السن قصيدة للشاعر / ابن محيلب رحمه الله وأعتقد أنه والد الشاعر / فراج وفيها أنه لما قبض الإمام / عبدالرحمن الفيصل رحمه الله والد الملك / عبدالعزيز رحمه الله على / سالم السبهان رحمه الله ثم أطلقه غضبت قبيلة سبيع وقال / ابن محيلب قصيدة منها :

لو ولدك معزي قاضبه قضبتك له
= ما تنى الشور ونطل راسه للكلاب

ومنها كيف تترك سالم موري الناس العذاب أرجو منك أو ممن يعرف موافاتنا بها وشكرا لك على هذه القصيدة الجميلة مع أطيب أمنياتي وخالص تحياتي .