[مخايل الغربي]

المشاركة الأصلية كتبت بواسطة ماجد المديري

عند الضحا شرفت في راس عيطا=رجما" يهيض بادعين المثايلي
واللي مهيضني سوالف بني عمر =كبار البيوت مشيدين الذوايلي
رعاية" للخوف نزالة الخطر=اهل مهارا" تنثني في الدبايلي
يقول ابن مخشوش قول" موكد=قبلي وبعدي من يعد الفعايلي
اعد فعايل لابتي لاعدمتهم =وافخر بهم اليا حل قول" وقايلي
انا من الغلبا سبيع بن عامر =اهل الشجاعه والفعول الجزايلي
انا نفلنا الناس بثمان نفايل=نفلنا بها سموا جميع القبايلي
منهن ثلاث" عامتنا كلنا =وخمس" خذوهن كاسبين النفايلي
الاوله منهن نتيه جارنا =وعلى الكيف يرعى في نبات المسايلي
والثانيه منهن نعرف قصيرنا =ولانقطع العقلان يوم العقايلي
والثالثه منهن تقصر مرتنا =لاضاق مذهب خايبين الحمايلي
والرابعه منهن لفهيد الصييفي =من فوق هجن" يسهجن القوايلي
ماياخذ الرواي ولايقطع النقذ =وشره على سحج" كبار الشمايلي
والخامسه منهن للأدغم ناجي =مروي السيوف مصقلات السلايلي
ولامن عطا عطيته مايمنها =ولايعطي الا من المهار الاصايلي
وليا زبن به مجرم" لايذنبه =جاء الحول ماجاء فيه عدل ومايلي
والسادسه منهن لعجران العمى =تسما بها شايبا" هروجه دلايلي
لايثني الدله ولايذبح المعز =ولايذبح الا من خروف وحايلي
والسابعه منهن لابن قطنان بالصخا =عد الرواي لاكملن الثمايلي
لا.. كن تنيدي عبيده على العشاء =تنيدي بدوا" شافو البوش عايلي
والثامنه منهن عشر الركايب وهلها =مامثلهم جاء في العصور الاوايلي
جتهم سرايا" يرعب القلب كثرها =يبغون ذبحتهم وكسب الرحايلي
وعيا عليهم الله ثم بني عمر =برماحهم وسيوفهم والفتايلي

أخوي / الغوينمي شكرا لك على قصيدة ابن مخشوش الصميلي رحمه الله وبيض الله وجهك ولا هنت مع أطيب أمنياتي وخالص تحياتي .