هذه القصيدة للشاعر حمود بن محمد بن وطيان الصندلي مرسلها إلى الشاعر ناجي بن سعد الصندلي
الاخبار ياناجي لفت مجرهدة=صلحتوا الكرمة ولحد(ن) دعاني
تقول غنايم دار(ن) مصده=وانا قريب ومن بغاني لقاني
واللي يحب الطيب محد(ن) يرده=يبقى بطيبه لو يطول الزماني
رفيقك الطيب على الطيب بده=واللي شناكم ياخوالي شناني
تفرغ على الضيفان من بحر جدة=كريم سبلا وللكرامة لياني
سلم المواصل بيننا وش يلده=ياحيسفي مرسولكم مالفاني
فن كان حسك شي منا فعده=عده ونبقى سراير خواني
ياابو محمد وش يزيل الموده=لي شرهة(ن) تنصاك ياابن العواني