[ابو مترك]

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البارحه نومي هموم وتفاكير=
مركاي كوعي لين بين نهاري
والجسم كنه فوق حامي السواعير=
اقلقت اهل بيتي وصحيت جاري
ونيت ونت من حدته المقادير=
لفراق عوده والبزور الصغاري
من عقب ماله كان حشمه وتقدير=
حرا يسج الرجل في كل داري
اصبح بكوبا في رجوله مسامير=
في وسط شبك تقل شبك الضواري
لا واهنيك ياشقر الريش ياطير=
يالي على روس الشواهيق ضـاري
لاضاق صدرك تكفخ الريش وتطير=
وتسلم من الضيقات والانحســـــاري
وانا همومي مردمات طوابير=
لاقلت ابسلى نقضتها الطـــــــــواري
واسباب ماهيض حسين التعابير=
وقت تشـابه فيه بـايع وشــــــــــاري
وقت يشيخ مالكين الدنانير=
لو كــان فيــــهم للرخامه مـــــــــواري
ويضعف رجال طيبينن مناعير=
من شـــان مالقــــــــيو عليه اقتــداري
يالله طلبتك ياعليم المقادير=
يامن خلــق للخــلق جــنه ونــــــــــــــاري
انك تبدلها الليالي المناحير =
وتجـــعل لنا فيــــــها قســــوم كبـــــاري
من شان ننسى الماضيات المدابير=
الي حدتـــــنا لين عشنـــــــى مـــــــزاري
[/poet]

مع التحيه لجميع الاخوه اعضاء المنتدى ابو مترك