[عايض ابوشيبه]

احبتي في منتديات سبيع الغلباء

هاذه القصيده كتبتها قبل فتره طويله وكانت حبيست ألأدراج

كتبتها بسبب أشتياقي لديار سبيع وطول المسافه بيني وبينها

لضروفي العمليه في الجنوب فتقبلوها

ياونتن ونيتها بأول الليل=وألحقتها في تالي الليل ونه
على ديارن بعدها هد للحيل=في وصف من عنها الليالي حدنه
ياالله عسى وديانها كثرت السيل=وتفكها شر الحسد والمجنه
ربعي بها صبابت البن والهيل=مزبان من سود الليالي وطنه
وقت المغازي لأسرجو ضمر الخيل = ماطاب نوم اللي نووله بشنه
ربعي هل الوديان ذباحت الحيل=من ضن فيهم طيب ماخاب ضنه
هم اهل شب النار وأهل التعاليل=لاحان وقت الفجر للنجر دنه
ربعي هل الغلباء ليا قيل ماقيل =فالحرب نار وساعة السلم جنه
عدوهم تصبح حياته بهاذيل=من بطشهم سود الليالي دهنه
لاجوه فوق المسرجات الحلاحيل=يخيب ضن اللي رجوه ورجنه
دخيلهم ينسى حياة الغرابيل=له ترخص الأعمار من دون منه
قول وفعل مافيه كذبه وتمثيل=حقا لنا كل القبايل تكنه
واختامها تعداد وبل المخاييل=صلو على اللي سنته خير سنه