[size=4][font=Tahoma]طيب الرجل وصفاتة الحميدة تنسب إلى قبيلتة
ومن كان على ذلك فهو يدل على ساسه الطيب
وهاهو ((الحر )) حزمي بن سعود الغزيلي السبيعي
وامثاله كثير يكسب الطويلات ويكسب الذكر ((العالي )) لقبيلتة
وهاهو الشاعر / قبلان مطلق الدعجاني من قبيلة عتيبة
يمدح من يستاهل المدح (( وطولة التميمي طولتلي )) [/font][/size]
علم لفاني زاد هاجوس بالي = وأصبحت أنا بالوضع حاير ومحتار
وعديت عقب العصر في رأس عالي = وأخذت من وقتي على الرجم مقدار
وفكيت دالوب الضمير الموالي = وقمت أتنقى في معانيه وأختار
فكري مطاوعني على ماطرالي = يمشي اليا سقته واليا درته اندار
لا واحسايف يا زحول الرجالي = لا وحسايف ياطويلين الاشبار
شفق على خوة قروم العيالي = ذباحة للحيل شبابة النار
في حزمي بن سعود لا جاء مجالي = كل يقول ونعم يانسل الاحرار
من اللابه اللي تحتمي كل تالي = الاد الاجيرب طيبين بالاذكار
من سبيع وكنه لي رفيق موالي = حلفت انا ما انساه لو صار ما صار
ويقول الشاعر كذلك
من يوم مارحت يابو سعود = رمتنا بشهب اللالي
متطول بغيبتك وتعود = يامعرب العم والخالي
ننخاك يامعربا بجدود = من سبيع حماية التالي
انتم رجال الكرم والجود = اقوله وماني مبالي
نبغاك تبذل لنا المجهود = تارد على البير بحبالي
ما ننخاء الحظارم ولا ننخاء زيود = ياشجرة مالها ضلالي
هذاك نقصا ولا به زود = ماهين نفسي للانذالي
بعض العرب مثل ريح العود = وحزمي كما السكر الحالي
ويقول الشاعر / سعود برجس الجبلي المطيري
لا والله اللي راح عنا النداوي = وجانا بداله واحد ما بغيناه
راح السنافي راح قرم يساوي = مليون مثل اللي لفانا وشراوه
راح الذي ماخط فينا شكاوي = وجانا الذي يفرح إذا خط شكواه
راح السبيعي ماتفيد النخاوي = انشهد انا يابو عادل فقدناه
حزمي اليا صكت علينا البلاوي = يرسيلها حزمي وتعجبك يمناه
حزمي لا جتنا علوم ودعاوي = قال انسوا الموضوع مابه مزاواه
ياأهل القصيد اليوم ياأهل الغناوي = اليوم يوم المدح والمدح يزهاه
ترى الخوي له حق عند المخاوي = وكل يعد اللي مع الناس يلقاه