[مبارك مقين]

راكبلي من حفيز البريمي وبرموه = لين راح مشومرن كن صدامه حصاه
حي هاك الرفرف اللي على الداخل حنوه= لقفيته لرفارف تدرق في قفاه
تظهر القوه على هيته يوم عرضوه=مثل شكل مصارعن شاف خصمه في نحاه
يوم كلوبه على حرف صدامه ثنوه= خابرين اللي ينوشه يجيبه من وراه
نعنبو من صممه لرحم جده وابوه=اشهد انه وصله في الصناعه منتهاه
لو تدور الكون مافي مثله غير اخوه= عارفين الناس طيبه ومشطوبن رداه
لعطاله جرهدين خلاوي ومحنوه= مثل شيهانن تنهض على درب القطاه
منوت اللي له لزومن بعيدا ما قضوه= شاربين البن الاشقر مخلين الوصاه
دايم اصحاب الرخاء كل ما مروا نسوه = لين صبره وصل حده وهم بذوا خفاه
صار ماله في يدين المواذي واشغلوه= مثل منهو فالشتا لا رقد يوخذ دفاه
لو تغاضى عن بعض شيء واصبر ما تركوه= الوجيه المظلمه لاصيام ولا صلاه