[حزمي السبيعي]

قصيده لشاعر حزمي فراج حزمي المجمعي السبيعي

مدح في منيع غالب فيحان ال منيع المجمعي السبيعي



شكراً على كل ماسويت يا الوافي
أنا اشهد انك تروم المجد وتناله ..
والشكر ماهو على ماتفعله كافي
ياراعي الجود والمعروف والطاله..
من قدام الطيب فعله لازم ينشافي
ويبين قدره وتقدره من افعاله ..
و منيع بالطيب ذكره ماهو بخافي
يدري ويعرف بمخراجه ومدخاله ..
ولاهي غريبه ليا عدنا اللاسلافي
مادامه معربًً من جده وخاله ..
ابوهـ قد كان يحما كل ميقافي
مشهور صيته بشرق الدار وشماله ..
عسى الله يبيح من إميات وللافي
وبرحمته يجعل الفردوس منزاله ..
ماشفت مثله كريم ونادر اوصافي
في ماضي العهد لاذا الوقت ورجاله ..
ومن بعده ابنه تعلا راس مشرافي
كلاً منساسه صدق من عبر وقاله ..
والحق نوره شعاعه ماهو بطافي
والعود لا راح تحيي ذكره إعياله ..
والمعذره يابو غالب خاتمة قافي
مثلك وشرواك ياجعل السعد فاله ..
وصلو عدد من سعا بالبيت واطافي
على رسول الهدى وصحبه وآله..