اساتذتي واخواتي هذه اخر جديدنا
امل ان تنال اعجابكم والف عافيه
يافهد حقيقة الملتاع كثر اهاته=لاتلوم اللي دخل في صلطنت بدريه
الترف والطيش في ثقلٍ يليق بذاته=من بنات ادم وحواء كنها حوريه
الكرز والتوت كنه ذايبٍ بشفاته =وصفت الياقوت فوق البشره الشاميه
والثقل في سلهمة نجله وفي بسماته=ماتصنعها كذا من فطرته عفويه
كن فيه من الضبي عنقه وتلميحاته=وفيه من ضمر الذلول ومن قطات اعبيه
شيخة الغيد استحلت جيلها وصفاته=ويش يا بغداد يالبنان ياسوريه
لاوقف قام ايتثنا الخمر لا مثناته =اشعلا ً لونه يشابه هفت العصريه
لعب في قلبي مثل لعب الورق في زادته =لين كبتها ورحت اومي بروس ايديه
لارحم حيه عليه مركيٍ غاراته =لين حتى صرت مثل امضيع الطاقيه