ياحمود وصلني مشـارف بزاخـه=باويق في روس الهضاب المشاديخ
عيطا مرا قيهـا عسـار ومداخـه=في عرضها بيض الدغادغ مفاريخ
بشرف على حـي بعيـد مناخـه=وراى العدام او يم ذيك المرابيـخ
عسى السحاب الغر يسقي رخاخـه=تنوخ عليها غر الامـزان تنويـخ
حتى يجـي لام الحـوار الدماخـه=في حاجرن فيها الخزامى مشاليـخ
انا ادري ان كثر التوجـد بياخـه=للي ركاب عزوم حظـه مناويـخ
لاكن حب البـدو فيـه انطراخـه=بدو لهم قيمـه وشيمـه وتاريـخ
وجدي عليهم وجد راعي مشاخـه=ربعه قليـل وفلسـوه المطانيـخ
ينوض بالجنحان والوقـت ناخـه=وتوطته جرد اليديـن المجاويـخ
ولااريد حي فيـه سيـد جخاخـه=وجيران بيتة من الفلبين والسيـخ