[خيَّال الغلباء]

المشاركة الأصلية كتبت بواسطة مبارك مقين

يا هاجسي دن من بين المحاديبي=نويت أطوع بيوت الشعر وأعسفها
اللي عوى دونها من كودها الذيبي= خابرك لا ثقلت القولات تنسفها
صعب المثايل تسخرها هناديبي= لو كان صله وصعباتن مواقفها
لا حال من دونها جرد العباعيبي = عادت مداويرها ما جت طرايفها
أبدي لها في رفيعات المراقيبي= حتى تحضر علي تلعب غطارفها
من بعد ذا بأذكر الله وأذكر الطيبي= في لابة (ن) لو سألت المجد يعرفها
سبيع ربعي مطوعة الأصاعيبي =زخمن تعدابه الدنيا محارفها
يقفون دون اللوازم والمواجيبي= قوم (ن) تجي أفعالها قبل سوالفها
قطع النقذ عندهم في قمة العيبي=هاذي علوم (ن) تسولفها عوارفها
تلقى خطرهم على حرش العراقيبي= لا قفوا بجلها حنت ولايفها
طريحهم دايم جروحه معاطيبي= اما لحاف الثرى ولا تلحفها
بمصقلات (ن) عطيبات المضاريبي= الموت بوجيها وإلا معاطفها
ترعى القفر في ذراهم شمخ النيبي= لأنهت ربيع الدير ترقب مصايفها
باقي القبايل لها العليا معازيبي= أشوفها مثل ما التاريخ شايفها
يالله ياللي عالم (ن) بالسر والغيبي= اخذل عدا المسلمين وشيل مسرفها

أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الرائعة من شاعر أروع وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .