[اخو شما]

أنتم مزاجي ياهل الفطّـر الشيـب=يومن كلـن مولعـن فـي مزاجـه
بدون تساير كيف حرش العراقيـب=في صحصحن قفرن وساعن فجاجه
غير البساطـه ماعليهـم عذاريـب=وش عاد لو قالوا عليها (سذاجـه)
ماخالطو كدش العرب والأجانيـب=أما خبيـث الطبـع وإلا خواجـه
العرق طيب..وأنزحوا به على طيب=والمذهب الصافي سـواة الزجاجـه
مايصبرون إن شافوا النقص والعيـب=ولايقبلون الذل فـي كـل حاجـه
وإن كان عافوا شرب بعض المشاريب=اللـي قراحـه مايحلـي همـاجـه
مابه كلافه غيـر قلـع المناسيـب=والبـر للضايـق وسيـع مداجـه
أهل اليدين اللـي توفـي المطاليـب=وقت الكرم..وإلا بوقـت المواجـه
مايحسبون حساب نقص و مكاسيب=موت العزيـز..ولا حيـاة الزناجـه
البـر للبـل والرياجيـل والذيـب=وإلا القفص مايأخـذ إلا الدجاجـه

ياسلاااااااااااااااااااااام ياولد وش ذا القصيد
ياوالله الجزاله
ماشاء الله عليك اخوي
صح لسانك ملياااااااااااااار