اناهاضني رجماً بديته يابن رسام **** بديت بحجاه وهلت العين صافيها
تذكرت ملهوف الحشى زاهي الارقام **** هنوفاً خذت قلبي وانا مقدر اجيها
بدويه بابن رسام تسرح مع الجهام **** ماطبت الاسواق تشري مقاضيها
تشرب حليب المصغر المحلي المرزام **** ماشربت النيدو ولاطب اشافيها
ولا لبســت الضيــق ولاقصــير الاكمام **** ولاحطت الشيال والله مسويها
ولاعلــموها الكتـب والرسم بالاقــــــلام **** ولاتهمها الافلام ومعاينن فيها
من حضها تمشي على منهج الاسلام **** بعيدن عن الشبهات والله هاديها
من جتله يابن رسام وفق وحظــه قام **** بنت الرجال الي بعيدن هقاويها
اهل الكرم والجــود لطـــامت الاخــصام **** ولجيرانها عز وخويها وعانيها
علـميــبها ملعـــام والمســـلمين اصــيام **** ولو طالت الايام مانيب ناسيها
يـــاونتــن جــريتها يــوم كلــن نـــام **** يجر الونين ويبكي من استمع فيها
منها اهجرت الاشجار وتحرقت الافلام **** وتسهر عيون الي من الناس يوحيها
على صاحبن معاد جاني منه عــــلام **** واخبارنا له مالقت من يوديها
حبيبي بدار اسبيع وانا بديرة يـــــام **** ياعزي لعينن دونه البعد حاديها
° الشاعر / ناصر عبد الله فيصل المحمدي السبيعي°