[خيَّال الغلباء]

السلام عليكم .. إليكم هذه المتواضعة .. التي ما قيلت إلا ولها مسببات !! بمن يغمرك بطيبه ..

ليا دارت هواجيس المعاني في الضلوع العوج
= أجيب الجزله اللي كـل مـن جاتـه يثمنّهـا

أوردّها تجيني فوج أصدرهـا تـرّوح فـوج
= ما أقول إلا عسى ربـي يسكنّهـا مساكنهـا!

ليا هبّت رياحي من يناحي للريـاح الهـوج
= تسوق الغر مـن مـزنٍ بعيـداتٍ مواطنهـا

أسخرّها وفاخرها على اللي يكتبـون العـوج
= ليا جات المدايح ( قلت ) والعالم تدونهـا!!

أقول المدح لن قلته وأشرّع بابـه المزلـوج
= وأصك أبواب دون أبواب بالكيلون أكولنهـا

ليا جاء طاري الغلباء توسّع للمـدوح أفجـوج
= سلكت فجوجها من فوق قـبٍ مـا نرسنّهـا

أهل فعلٍ ينومسها ليا جات الهـروج هـروج
= وأهل مجدٍ صروحه فالسما ماهـي تطمنهـا

رجالٍ تدخل التاريخ من بابـه بليّـا خـروْج
= وتستوطن على أرض العز والعزه مواطنهـا

هذا شوفي ولي نظره ولي فكرٍ وله منتـوج
= صحيح أن الكتْب ما تعرف إلا مـن عناونهـا

رفيق ليّ بنى له وسط قلبي من وفاه بـروج
= ولا تهتز لـو زلزالهـا يضـرب أماكنهـا!

ابن منهو عرفه السيف والهيجا وظهر الغوج
= وتعرفه الدلال الصفـر لا شحـت معادنهـا

هذا طبع النشاما والنشاما سلمهـا معـروج
= يمثلها (( حسين )) اللـي شواربهـا يدهنهـا

أخي الكريم / ابن الغلباء السلام عليكم ورحمة الله وبركاته وبعد : شكرا جزيلا لك على نقل هذه القصيدة المعبرة والجزلة في مدح حسين السبيعي ويستاهل المدح وصح لسان الشاعر العتيبي وسلم نبضه وبنانه وإعتلا شانه والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه على هذا النقل الطيب هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .