[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة من القصايد الغزلية القديمة والمعبرة لشاعر الوطن الكبير / خلف بن هذال العتيبي وفقه الله وحفظه ويقول فيها :-

قلنا متى الميعاد زاد الهم زاد = ياللي فتلت قيودنا حل القياد
أنا الأسير اللي معذب من سنين = كم حسبة كسّر عليّ حسابها
خطاك جر القلب من وسط الحشا = تلعبنا لعب المحالة بالرشا
فينا ترفق لا يجي قلبك متين = ارحم ترى الرحمة وسيع بابها
بوجودكم نسمر بساعات الرضى = ونجدد المبنى وننسى ما مضى
العشق يطبع في قلوب العاشقين = طبعة حروف طبعت بكتابها
أنت الذي حبك يزلزل بالعقول = وأنت الذي من شاف زولك وش يقول
يضع فكره بين خدك والجبين = وعيون تاخذ عسكر بحرابها
جرحتني جرح الحديد بسلك ماص = حملتني تسعين رطل من رصاص
هذا خطا يا صاحب الوجه الحسين = خليت عدواني تحد أنيابها
والشجرة اللي قد سكنا بظلها = ذيك السنه خضراء وأنا جار لها
كم ليلة عشنا تحتها سامرين = والروح ما تسلى بغير أحبابها
وأقول ياليل الحلا ليتك طويل = حلحلت حالي حلحلة حل الرحيل
واللي بنا الكعبه وذيك المسجدين = إن الحبايب ما نجوز إلا بها
وأحبابنا من دونهم ذيك الحدود = اللي مطوقة بصفات الجنود
تحت السما فوق الأراضي عايشين = تبكي عيوني والفراق أسبابها
وأسبابها الفرقى بعد كنا جميع = نلعب مع الأشجار وأزهار الربيع
في ليلة ما ناظرونا حاسدين = ذيك الليالي ليتنا عشنا بها
يا مغرق العاشق بلجات البحور = الميتين من الهوى نصف القبور
على هواكم هزني شوق وحنين = كلمتك لو هي ضدنا نرضى بها

منقول مع خالص التحية وأطيب الأمنيات وأنتم سالمون وغانمون والسلام .