[خيَّال الغلباء]

المشاركة الأصلية كتبت بواسطة عبيد ابو شيبه

سلام يا من رافق الطيب دربه=اللي يجود إليا جحد كل بوار
ونفسه على فعل المواجيب طربه=شيخ الوفاء شيخ الفخر شيخ الأبرار
نايف عضيد اللي زمانه قصربه=شمايله تكرم عن العيب والعار
حرن شهر بالطيب يوم اشتهربه=والحر لو ماله جناحين ما طار
حنا سبيع بوجه الإرهاب حربه=حربة نحر في وجه غازي وغدار
لأهل الخيانه عندنا أقوى ضربه=ولأهل الكرامه عندنا بن وبهار
يا سيدي كنا مع أبوك سربه=نسوقها بالرجل من دار لا دار
نسوقها من نجد شرقه وغربه=لين انثنت شوكة مقابيس الأشرار
ما همنا المشوار بعده وقربه=رجالنا عند أول الجيش سبار
وجينا براس الغادر اللي غدربه=وصاح المنادي وأعلن الحكم بالدار
وبأرواحنا نسقي ثرى كل تربه=وعدونا يصلاه من فعلنا نار
سلام يا من رافق الطيب دربه=اللي يجود إليا جحد كل بوار

أخي الكريم الفاضل الشاعر / عبيد أبو شيبه السلام عليكم ورحمة الله وبركاته وبعد : شكرا جزيلا لك على هذه القصيدة الطيبة والرائعة في صاحب السمو الملكي الأمير / نايف بن عبدالعزيز النائب الثاني وزير الداخلية وفقه الله وحفظه وصح لسانك وسلم نبضك وبنانك وإعتلا شانك وجعلها الله في ميزان حسناتك يوم تلقاه والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .