[خيَّال الغلباء]

المشاركة الأصلية كتبت بواسطة جميل المطرفي

أرجوك يا راشد تصـك التلفـزون=ما بستمع يا هيه نشرات الأخبـار
أخبارنا فيهـا مئاسـي وطاعـون=ياليت ما جابوا قنـوات وأقمـار
يا أمة الإسـلام والعـرُب تكفـون=صهيون حاصرنا من يمين ويسـار
والوضع ينذر بالخطر كان تدرون=ولا باقي إلا فالعرب تالـع النـار
أصبح مهيمن فوقنا جيش صهيـون=وحنا ندور حل من عنـد كفـار
احتلوا الجولان وأنتـم تشوفـون=والقدس راحت لا تجيبون الأعذار
واصلوا إلى البصره وبغداد يمشـون=وشعوبنا وأوطاننا فوقها حصـار
ما فيـه يـوم إلا علينـا يغيـرون=ولا فيه يـوم إلا جنايـز وقبـار
ولا فيه يوم إلا العـذارا يصيحـون=ويدورون النصر من عند الأحرار
بالمحصنات عيال صهيـون يزنـون=وأعراضهم تفتك بلا ذنب وجهار
وأرحامهم فيها من السـر مكنـون=المسلمات العابدات أصبحن عـار
بسباب جندي شعب كامل يروحون=وحنا أروح أولوف ما ناخذ الثـار
يا أمـه الإسـلام متـى تصفـون=إليا متى والجـار ما ينصـر الجـار
دايم مـع الأيـام وأنتـم تنـادون=نبى نسوي مؤتمر ضـد الأخطـار
ولا زالت الأوضاع من دون في دون=وحقوقنا تسلب والأوضاع تنهار
حبرا على قرطاس ما هو مضمـون=نبى نـدور حـل ثانـي ونختـار
والله لو تعطونهـم مـال قـارون=ما فوقكم يرضون والوقـت دوار
ستين عام وعـام وأنتـم تمنـون=اترجعون القدس في سلم ووقـار
وهمه عليكم كـل عـام يتقـوون=ويفرقون صفوفكم يا أهل الكـار
واحد يحطونـه صديقـا ومامـون=واحد يشوفونـه عـدوا وغـدار
وقاموا عليه مـن القنابـل يهلـون=وليا انتهى تغيـر الشـار بالشـار
وعلى صديق الأمس قاموا يلفـون=وقالوا معاد انته صديقـا ولا بـار
ما عاد باقي حـل وأنتـم تعرفـون=مكشوفه الأوضاع لكبار وصغار
ومن لا يصدق في هذه العلم تكفون=يشغل التلفاز يسمع فـي الأخبـار

أخي الكريم الفاضل الشاعر القدير / جميل المطرفي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة والجميلة ومن لم يهتم بأمور المسلمين فليس منهم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .