نطحني نهار مفارقه يصفق الكفين =خامسته وداع ويبس كفي على كفه
ابيه يتكلم واسبق الهرج دمع العين = وانا خابرن عند الموادع تجي الخفه
بغى يشكي ظروفه ولناس مصطفين = وعيت تطيعه كبريا النفس والعفه
إلا انه طرق بالرمش واقفى مع المقفين = ذلف ذلفة اللي شاله الريش من قفه
ياشين الفراق اللي بليا رجا بعدين = انا باشهد انه يشلع القلب من جفه
لاكن حن ياقلب العنا واكثر الحنين = حنين الخلوج اللي عن الذوذ منكفه
اتلى عهدها بحوارها قدلها يومين = تدير المكان اللي وخذ منه وتلفه
طواها الخلاج اللي طواني على المقفين = اثار الغلا يحن منه ابيض الدفه