[عبدالعزيزالجهمي]

المشاركة الأصلية كتبت بواسطة عايض ابوشيبه

ياساترين اعـراض خلـق الله وياعـز البـلاد=سيرو على وجه النقى والعود في عين الحسود
انتم عملكم عند ربـي فـي موازيـن الجهـاد=من دونكم وجه الظلام ايبان والظلمـه تسـود
انتم تعبتم لجلنـا والنصـر مـن رب العبـاد=وانا حشى ماننكر المعروف ونخـون العهـود
انتم بياض الصبح لاغطى على وجـه السـواد=وانتم لنا درع الحياء من ظلمة افكـار اليهـود
وليا حصل من شخص منكم غلطتن بعد اجتهاد=عيبن علينا ننكر اللـي تبذلونـه مـن جهـود
انتم بشر وارد خطاكم لا حشى مأنتـم جمـاد=واللي يكبر في خطاكم شخص فتـان وحقـود
انتم ترى حد السيوف اللـي تصـدى للفسـاد=من غيركم عن عزة الأسلام واركانـه يـذود
وإن جالكم من جاهلن بالديـن سبـه وانتقـاد=عنوانكم حفظ الكرامه والشجاعـه والصمـود
لو غيركم يضيع وقته في تخفـي واصطيـاد=رجالكم في نصرت التوحيـد بأوقاتـه يجـود
سيرو ورب الكون ينصر من نصر دينه وفـاد=لا تسمعون امحاربين الديـن واشبـاه القـرود

صح لسانك ياعايض وبيض الله وجهك على هذه القصيده
اللتي نشعر بقوة الشاعريه فيها ولايستغرب عليك قوة
الشعر الجزل سواء ٍ في مثل هذه المواضيع او غيرها
شاعر متمكن ولا يستغرب عليك الشعر الجميل ،،،

تقبل تحيات أخوك عبدالعزيز بن كمهان الجهمي