[عواكيس]

المشاركة الأصلية كتبت بواسطة خيَّال الغلباء

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة الشاعر الكبير / سعود بن جبران بن قالط الناهسي الشهراني رحمه الله وأسكنه فسيح جناته في / دسم بن مناحي المحمدي السبيعي ( نعْم إبْ هَل الغلباء كعـام الحـقـودي لكل من يهتمون بالشعر أجده من اللازم عليّ أن أفصح عن هذه القصيدة التي تعد معلقة من معلقات شاعرها الكثيرة والتي ذوت شمعته دون أن يكتب قصيدة ابتهاج تشكل ألوانها وتتمارى بين خطوطها دمعة فرح لسنوات ٍ امتدت لخمس عشرة سنة انتهت بالموت كتب شاعرنا / سعود بن جبران الناهسي الشهراني رحمه الله وأسكنه فسيح جناته قصيدته هذه مرسلها رد على الشاعر / دسمان بن مناحي بن هايف المحمدي السبيعي الأثنين الموافق : 6/12/1422هـ ويقول فيها :-

يالله ياللي لـك علـى الخلـق تدبيـر = يا واحـدٍ فـوق العـبـاد امعـبـودي
يا جابـر العثـرات والعظـم تجبيـر = يا خالـقٍ روحـي وعقلـي وعـودي
لا غيرك أرجي وأطلب إرضاه لا غير = فضلـك علينـا كـل يـومٍ امحمـودي
افتـح لنـا بـاب الفـرج والمعابيـر = والأسبـاب سهلهـا وفـك القيـودي
قبل أمس وأمس امعذِّرٍ في المشاويـر = واليـوم للمطـراش تومـي افنـودي
يا خف قلبـي خفّـة املاعـب السيـر = زان الطرد لـه والمضـرّا هـدودي
جذبني البارق وأنا مـا أقـدر أسيـر = مـن يـمّ ريـع سبيـع نـوّه ركـودي
جـذاب نـهّـاب بلـيّـا معاصـيـر = ينثر قراح المـاء وريـح الـورودي
نبتـه زماليـق النـفـل والنـواويـر = وصيده عذاب القانصيـن الطـرودي
ونجعـه امتيّهـت البكـار العياطـيـر = ما هُم وحَضـر يجالسـون الهنـودي
يا زينهـا لا أنشـت ورفّـت بواكـيـر = قـودي علينـا يـا رفـايـاه قــودي
ذكّـر علـيّ امسَمِّـر القلـب تسميـر = ماضيٍ هله ما عادهم فـي الوجـودي
أهـل المحبّـه والرضـا والتباشيـر = المؤمنـيـن الراكعـيـن السـجـودي
قفّـت ضعاينهـم تتـالـى مقاطـيـر = وعنّا اختفوا فـي مظلمـات اللحـودي
واليـوم والله عكّـر الجـو تعكيـر = يوم الخَلَف عُقب السّلف مـاش فـودي
ما عـاد فيهـا غيـر دود وعصافيـر = وناسٍ أخس من الرّفـض والقـرودي
شذّابـة الأعـراض دقاقـة الـزيـر = ورى المقفـي مثـل صقـع الفـرودي
وطوا علـى وجـه الثّقـة بالجنازيـر = وعُقب النّقـا عاداتهـم فـي كسـودي
ما عاد مـن الشيمـات مثقـال قطميـر = ولا صغيـر يحتـرم شيـب عـودي
وراس المعاصي وارتكـاب المحاذيـر = امـخـدرات ورّدوهــا اليـهـودي
شفت وعرفت وعفت من ذا الخنازيـر = وخَطـواه ملعـونٍ نوايـاه ســودي
لـولا صغيٍـر شقّـر القلـب تشقيـر = مالـي شفـاةٍ فـي حيـاتـي ورودي
أخشـى عليـه مـن المحّاذير تغيـيـر = وصعبـت عليّـه قومتـي والقعـودي
إليّـا ذكرتـه حالتـي فـي تَعَـازيـر = ويا عين جودي بأزرق الدمـع جـودي
قلـب العَنَـا ما يَبـرده بـارد الـزيـر = والشمـس غابـت مالقينـا انـجـودي
يا سامعٍ هيضـي تـرى العلـم تَذكيـر = يفطن له اللي صاغـرٍ فـي المهـودي
فَقـد الأمانـة دمـر النـاس تدمـيـر = ولا عاد ينشـد راشـدٍ عـن رشـودي
الدْنـى غدالـي غُـدّةٍ فـي الحناجيـر = والَأقْصى لقيته في المواجيـب يـودي
الله يجـازي ساعـي الخيـر بالخيـر = الـلـي بنفـسـه للجمـايـل ورودي
لو من بعيـد النـاس جـاء فيـه تاثيـر = باللطف كنّـه واحـدٍ مـن عضـودي
حَـس بحواسيـسـي ودَار التفاكـيـر = لـو كـان ما هـو بالكـلام امْعمـودي
جاني جوابـه مثـل صَـرف الدنانيـر = مَعْنـاه لا أعِــدّه كثـيـر البـنـودي
حَبْكه وسَبْكه يصْخر القـاف تصْخيـر = وبالفكر يَسْبـر كـل معنـىً شـرودي
أقـراه وأكبـر ورى القـاف تكبيـر = والقلب هبّـه بيـن الأنجـاف نـودي
والله لو أكتب عنـه تسعيـن تقريـر = ما أوفيه حقـه لـو تقصـت جهـودي
لكن ردّي لـو حصـل فيـه تقصيـر = أشوى ولا أصْبح في الجمايل جحـودي
الله خلـق لابـن آدم إلسـان تعبـيـر = وعقـلٍ يميّـز جابتـه فـي الـردودي
يـا رب وفقنـا بـرأيٍ وتبصـيـر = للخيـر حيـث إمواصلاتـه سنـودي
لا شك في قلبـي مثـل واهـج الكيـر = يكـودنـي وامْسبّبـاتـه تـكــودي
ولا لي جدى إلا أحرّر القـاف تحريـر = ابــردٍّ ودودٍ فــي كــلامٍ ودودي
يا أهل الونيت اللـي عصيـر محاديـر = ومن بيشة الخير احتسيتـوا الوقـودي
ريضـوا دقايـق يالوجيـه المسافيـر = زيزومكـم بأعطيـه خافـي اسـدودي
إرْسالـةٍ آخـف مـن رِيشـة الطيـر = وميزانها أثْقل مـن صليـب الحيـودي
إليّا وطيتوا سوق رَنْيّـة علـى السيـر = عُوجُوا إلْ شيخٍ في الطلب ما يحُـودي
تلْقون دسـم امدسِّـم إلحـا المناعيـر = أبو مناحـي سـاس طيـبٍ وجـودي
يفرح إليا شـاف القـروم الشواطيـر = وأول كلامـه مَرْحـبـاً يالـوفـودي
تِقْفَى شَحَـم حيـلٍ وصُفْـرٍ مناحيـر = في مجلـسٍ ريحانتـه طيـب عُـودي
وسوالـفٍ اتْقصِّـر الليـل تقصـيـر = حِلـوات معناهـا تـداوي الكـبـودي
عَطُـوه زَرْف ارْسالتـي دون تأخيـر = والباقي أدْرى بـه عريـب الجـدودي
حيثه بخيص وشاعـر مـن شعاعِيـر = وسيـوف هنـدٍ مرهفـات الحـدودي
ما هو مـن اللـي يسمعـون المزاميـر = وحِيري ودِيري ما تَعَـدّوا الحـدودي
قطّـاع فِرجـه والسنيـن المدابـيـر = شـدّت عليـه وعلّمتـه الصـعـودي
ربْعـه سبيـع يحتمـون المظاهـيـر = لا طـار سِتْـر امْحصَّّّّّنَـات النهـودي
ورّادهـم يِدْلـي احْبالـه علـى البيـر = وخيّالـهـم ما يقتـنـع بالـسـنـودي
يوم العرب من بين مأخـوذ وامْغِيـر = نعْـم إبْ هَـل الغلباء كعـام الحقـودي
قُلته وربْعـي ناهـس وبِـدّي اصغََيـر = في الريع الأقصى ننْطـح ولا نحـودي
ما أحْد خـذا مـن حقنّـا حبّـة شْعيـر = نهـار شرْيـا يـوم قَـدْح الـزنـودي
سِعْد الخوي والجار والمـار وانجيـر = وتاريخنـا بيـن الرجـال امْـعـدودي
وشَهران شهران العريضـة سواطيـر = وسيـلٍ يِـدِّم اجْبالـهـا والنـفـودي
حمَّّايـة البـل والغـروس الجبابـيـر = اللـي زَهَوْهـا للمسـيِّـر مُــزُودي
كَرْمـان يـوم إن الليالـي معاسـيـر = وظفران في يوم الزَّحـف والحشُـودي
وكـل سـوق فيـه بـيـع وتسعـيـر = روس العَرَب أنعمٍ بهم في الصّمـودي
واليـوم حُكـمٍ فيـه خيـرٍ وتوفـيـر = الشعـب واحـد والبطاقـة سـعـودي
والغافلـيـن امحْسّبـيـن الفواتـيـر = دودي عليـهـم يالشيـاطـيـن دودي
ما قـدّروا النِّعمـة خيـول المخاضيـر = ومْـن أوّلَ مـا يـاردون الـعـدودي
عَقِّـب اغــلامٍ مالمعـنـاه تبـريـر = ولا عليـه مـن العـوادي شـهـودي
حَبِّيت أسطر بعض الأبيـات تسْطيـر = من شان أبو مناحـي رفيـع العمـودي
لحيـث علمـه عطّـر الجـو تَعْطيـر = وخلانـي أنفِّـذ مثـانـي عـضـودي
يا دَسْـم جِعْلـك ما تشـوف المحاقيـر = ولا الشماتة مـن الكـذوب المـرودي
واسيتنـي والـوقـت والله امعَيْثـيـر = مَعَ زمـان الصَّمْـت طـوّل جُمُـودي
وتَشْكي وأنا أشْكي من صروف المقادير = وكل حصل له مـن زمانـه إلْهُـودي
يا دَسْم حَدّتنـي الظـروف المواشيـر = من قَبْلهـا سيـف القصيـد امْغَمُـودي
سـت وثمـان حالتـي حالـة امحيـر = بيـن التِّميمـي والجفـأ والعـمـودي
قِطْع الرشا وأبطيت فـي جبَّـة البيـر = والذيـب قالـوا إنـه تعشـى سعـودِ
وطالـت عليَّـه بيـن وِرْد ومصاديـر = وبالرسـايـل ما يُـوِّنـي قُـعُــودي
وآخر مناخـي عنـد شيـخ المشاهيـر = آلاد مَسْـرد فَقْـع عيـن الحـسـودي
من روس قومٍ تتْعـب الخيـل والعيـر =قَحْطـان مـن تاريـخ عـاد وثمـودي
والشيخ جَعْفر بن جمـل ماقفـه غيـر= لا قال : طـال وجعـل حظّـه يسـودي
عسى له وشـرْواك حـظ ومناصيـر = ويوم القيامة فـي ريـاض الخُلُـودي
ميقـاف جعفـر ما يبـي زود تفسيـر = وأنـا أشهـد إنـه قدّهـا والـقـدودي
وصوف حاتم طيّ مـع سالـم الزيـر = مـع حكمـةٍ وديـنٍ ورأيٍ سُــدُوديّ
والطيب والنخوة علـى غيـر تغريـر = في ابن شَـري مالـه عليهـا انْـدُودي
يسعـى لـوجـه الله وأول بُـواديـر = يا بِعـد هَقْواتـه صُـدُوق الـوعُـودي
الله يـدلّــه لـلـقـدى والمـنـاديـر = مـع بـاب حـقّ ولا يجيلـه لُـدُودي
والله يخَتِّـم يا ابـن هـايـف بتيسـيـر = عُسْـر الليالـي والزّمـان العـنـودي
لا سْبـاب مبذُولـه وأهلهـا مداويـر = والخيـر لـه يا أبـو مناحـي جنـودي
والشيـخ جعفـر نـادرٍ مـن نواديـر = والطّيب والمعروف خير امحصـودي
وربْعي كرامٍ وفـي اللـوازم مغاويـر = ما واللّتـي يرضـون عنّـا اصْـدُودي
ناهـس وشهـران نهـار المحاضيـر = عجلين في الواجب اسْـواة الفهـودي
لكـن حظّـي يـا دَسَـم فيـه تَدقيـر = فيمـا يُخُصّـه مطْـلَـقٍ وامعَـقُـودي
قارب لقـارب ما بقـى بـه مساميـر = مِيلـة زمــانٍ جعلـهـا ما تـعـودي
هَبَّـت هبـوبٍ عاكسـت بالبُوابـيـر = ولا لقينـا دونـنـا مــن يــذودي
ورحنا إضْحيّه بيـن عَـذّال وامشيـر = والجيـش يبغـى قايـدٍ لـه يـقـودي
وبنْشـرت يالجـواد ما عنـدي اسبيـر = وطحت وتَهَبَّدنـي الزمـان الهبـودي
وهـذي علومـي يا صبّـي المخاسيـر = والخاتمـة بيـد الكـريـم الــودودي
ولَعلّهـا فـي المقبـلات المناحـيـر = لنـا ولـك تقبـل ليالـي السـعـودي
ويا دسـم منـي لـك سـلام وتقديـر = رصيـد بنَكـه كـل يـومٍ يــزودي
سـلام كنّـه مـثـل ذوق المغـاريـر = من ضامـرٍ لـك بالمحبّـة حشـودي
لك يالصديـق ورِبعَتِـك والمقاطيـر = وقيف آل محمد عزوتـك والزنـودي
وسـلام لسبيـع السيـوف البواتـيـر = لَدنى ولقصى مـن جميـع البـدودي
تسليمـةٍ اتخضّـر القلـب تخضِّـيـر = عدّ المطر مـن صادقـات الرعـودي
مضمونها أحلا من حليـب المصاغيـر = شقْـح البكَـار إسهِّيفـات الـخـدودي
ترعـى زماليـق الخزامـا الزواهيـر = ما جالهـا بكيـس الشعيـر المحـودّي
والمـعـذره يا قابلـيـن المعـاذيـر = إن كان في بعـض المعانـي نُقـودي
أنا حصل لـي مـن زمانـي دعاثيـر = ومشغول بال مـا أهتنيـت الرقـودي
الفكر تَعْب وخاطـري فيـه تكسيـر = أعد بالسّاعـات بيـضـي وســودي
في ماقفٍ فيـه القـذا والصراصيـر = والباب يقفـل والمـواذي جْـرودي
وصجّه ولجّـه وارتبـاك وتصفيـر = وغِنـا شبـابٍ مـع مزاميـر عـودي
لا عـادك الله يـا زمـان القصـاديـر = مُـخ البشـر مـات وتغـشَّـاه دودي
يا دَسَّم شِعـري لـو تعََـدّى المعاييـر = تَرْني على بَعـض الكـلام امحـدودي
بِلِشْت فـي شرّايـة الببـس والبيـر = حتـى تـوذّى عابـد مــن اعْـبـودِ
وأنا لـو أن لـي يالسنافـي منافيـر = يا بـعْـد مـفـلاي ومـواريـد ذودي
جعل النّشامـا مـا تشـوف المناكيـر = ولا تشـوف المهْزلـه والـبـرودي
هذا وصلـوا عـدّ ما صـار ويصيـر = علـى نبـيٍّ فـي كلامـه وكــودي

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .

مشكور وما قصرت ولا هنت