[وطبان]

المشاركة الأصلية كتبت بواسطة كليب

بسم الله الرحمن الرحيم

إخواني الأعزاء / أعضاء ومتصفحي منتديات سبيع الغلباء السلام عليكم ورحمة الله هذه قصيدة قالها أحد شعراء قبيلة العزة وأسندها على شيخ قبيلة العزة الشيخ / فلاح بن سعد بن جفران اّل جفران الله يرحمه أبو سعد ويسكنه الجنة ويقول فيها :

يالله يا منـزل تبـارك والأنـفـال= يا واحـد جـل الخـلايـق تجـلـه
يسر لعبدك جيب شـاص ورجـال =يقطع صحاصيـح الفـلاة بسجلـه
وارد قطر ويشد بـه قـرم العيـال =وينصـا بيـوت بالرفاعـه محلـه
سند على الحاير كريمين الأسبـال= العـزة الغلبـاء كعـام المضـلـه
وسلم على الجفران يا خير مرسـال= وانص القروم اللـي وفاهـم جبلـه
واختص فلاح اللي لطم كل عيـال= وإلى وصلته فازعج الصوت قلـه
يا شيخ أنا قلبـي مصـاب بولـوال =واليوم أسايـل يا أبـا الجـود حلـه
قلبي تولع في هوى زيـن الإقبـال =الجادل اللـي عاذلـي هـو فدالـه
المهرة اللي بالمـلا مالـه أمثـال= أقفت ومعها الكبـد تصلـى بملـة
أقفت وأنـا يا مسنـدي دوم همـّال= دمعي عليـه وثومـة القلـب تلـه
القلب ضاع بحبها وانحـل الحـال= ضيع الصويب اللي رمي له بتلـه
وياليت منه القرب يا طيـب الفـال= قـرب المعنـّى منهـم فيـه حلـه
وعند ما عرفت الحل وأنا بذا الحـال= ربط الهـوى يا شيـخ ودي تحلـه
الطيب كار لعمنا دوم فعـّال= فعـل المعـالـي عـادتـه دون مـلـه
وحيرت بنت العم يا شبـل الأشبـال =تحيـار عـز ما غشتـه المـذلـه
حيث إنها للطيب ماكـر ومنـزال =بنت القروم اللـي عريـب مهلـه
وهذا زمان قـدر الرجـل بالمـال= والمـال عنـدي أفعـوان وأصلـه
يا حيف يالباسـة الثـوب وعقـال= قامـت تفرسكـم طيـور أذلــه
البـوم علمـي بـه لياليـه جـوال= والصبح مثـواه لخـراب عمالـه
قلته وأنـا ما بيـن بقعـا وغربـال =والفكر حار وقد لقـى اللـي يدلـه
يا أبو سعد أنتم هـل الكـود والقـال= ومنثرة الـدم الحمـر مـن مشلـه
أنتم هـل القـالات والكـوم ودلال= ويا سعد منـه شيخنـا فـازع لـه
يا شيخنا رمضا القوايل تبي ظـلال= وحنـا نصينـا درعنـا والأظلـه
أنا كما طرق حداه أشهـب الـلاّل =مستدرك ميـر القـدر ممهـل لـه
وأنتم لي الماء يطرد الموت بالحال= وأيضـا كما مـزن الوبـل مستهلـه
ويا رب يا رحمن حقـق لـي اّمـال= وإلطـف بعيـن ما بكـت مسفهلـه
ويالله يا والي تصاريـف الأحـوال= يا عالـم المكنـون دقـه وجـلـه
والختمه أسأل من له القلـب ميـّال= يرفـق بقلـب ميـت مـن هوى لـه
تمت وصلى الله على الصحب والاّل= ومحمـد المبعـوث بالديـن كلـه

منقول وتقبلوا تحيات أخوكم / كليب عامر .

مشكور وما قصرت ولا هنت