[خيَّال الغلباء]

المشاركة الأصلية كتبت بواسطة نديم القوافي

أختار لكم هذه الأبيات وهي من قصائد المراسلات :-

يا بجاد يا مشكاي أنا خاطري ضــــيق= وش حيلتك في ضيقة البال يا بجاد
ضيقة عقيداً ضــــــــايقوه الملاحيق = يصــــبر وهو لا قام ما جاء له أنداد
صبري قضا وأنا على الصبر ما أطــيق= والصبر يا مشــــــكاي يذبح إليا زاد
يا بجاد يا ذخر الرجال المطالـــــــــيق = وش حيلتك يا نسل ذربين الأجداد
يا بجاد قد لي مدةٍ ناشـــــــف الريــق = وهواجسي ما بين صــــدّرٍ وورّاد
بعض الهواجس تحرق القلب تحـريق= وأنا هواجــيسـي جماعات وأفراد
لين ارجف الخفاق بين المعالــــيـق = من الزمان اللي هضم حق الأجــواد
شفت الحرار الشقر تخشى الغرانيق = وقتٍ مضى تصيد واليوم تنصاد
والبوم له وكرٍ بروس الشواهــــــــيق = دنياً تغيرها على روس الأشهاد
أنا شهد إن الوقت ماله مواثـــــــــــيق = وأنا شهد أني منه يا بجاد زهاد

شعر / نديم القوافي .

نديم القوافي صح لسانك وجزاك الله خيراً ولا هنت