[الشاهق]

ياعين هلي وانثري ماك يا عين
هلي على هونك ولاتزعجينه

هلي وغظي بالنظر من تحبين
مادام حال الوقت بينك وبينه

في كل ماقلت اتسلى عن الشين
جته الطواري لين ماتزعجينه

غرون رماني فالحشا بأم روحين
لعلها تسلم وتسلم يمينه

غرون سهوم الموت تحت الحجاجين
واللي تصيبه جعل ربي يعينه

لوشافها عودن يقر الموازين
يجر صوتن مثل صوت المكينه

ولو شافها شيخن يئم المصلين
يمكن سجد من هول ولا غبينه

وانا بعدها من حساب المجانين
ولا لي دواء ياكود طلة جبينه

اللي عطاني عهد من قبل عامين
وانا على عهد مضى امعاهدينه

يا مسفر ادموعي تهل البراهين
من يوم قفى وقتفتبه سنينه

خبريبها من عام تسعه وعشرين
من يوم شدوا وانتحو للمدينه

راحوا وزاد الجرح يابن القطانين
والروح من فرقا ظنيني حزينه