[نبع الوفاء]

المشاركة الأصلية كتبت بواسطة العثيم السبيعي

السلام عليكم ورحمة الله

موضوعك رائع ياأخي نبع لكن صدقني جميع الردود ستكون موحده
فاأنا أتفق مع إخواني اللذين سبقوني بالرد
الأستاذ/ خيَّال الغلباء
والأستاذ/خالد الشماسي

أن الفتاه إن أتاها شابا صالحاً فخير وبركه أو ان تتزوج رجل مسن فهو افضل لها من شابا لا يعرف الحقوق ولا الواجبات
وأن زواج الفتاه الصغيره من رجل مسن أمر عادي جداً
فرسول الله صلى الله عليه وسلم عندما كان في ريعان شبابه وتزوج عائشه رضي الله عنها
وعمرها 7 سنوات
وتوفي وهي في شبابها
وكانت أحب الناس إليه وكان هو قرة عينها ..

إن كان الرجل ذا دينٍ وخلق فلا باس سواءً كان شابا او مسناً
والسلام خير ختام

اخي العثيم السبيعي
أولآ / لاهنت على المرووور
ثانيآ / والله حرام على الأب أن يغصب بنته على شايب يعني كذا يكون ظالمها ؟!!
ثالثآ / هذه قصيده فتاة أرغمها والدها على الزواج من رجل مسن فكتبت مستنكرة رافضة الزواج تقول :

يابوي عن ماصار ماني غشيمه
واللي طلبني منك يا بوي ما ابغيه
ماني قليلة شان وإلا ذميمه
ولاني من اللي خايباتٍ معانيه
بنت العرب بنت الشرف والحشيمه
اللي ظفر فيها عن الناس تكفيه
خطوبتي من لي طلبني ظليمه
شايب ردي الحيل قفت لياليه
ما عاد لأيامه حياةٍ وقيمه
" جدي" ولد ولده كبيرٍ يناديه
ملوا عياله من صراخه وظيمه
شايب و ظالم من يوده ويغليه
يا بوي طالع من بقى من حريمه
واللي شراتك شوفة الحال تغنيه
تصبح بلقعه وتمسي شتيمه
واللي مثل هذا البشر من يوازيه
يا بوي ودي منك يا بوي شيمه
لا توافق الشايب على ما يوديه
دمعي كما سيل السحايب وغيمه
أبكي على حظٍ خذلني ترديه
يا بوي لو اسكن خلا تحت خيمه
بلاه أحسن لي ولا أبغي مبانيه
ماني ذبيحه عمرها للوليمه
إنسانةٍ تاخذ وللحق تعطيه
ودي بشغمومٍ حياته سليمه
لو هو فقير الحال فالرب يعطيه
أعيش أنا وياه عيشه مديمه
يرقد على زندي وعيني تغطيه
أكون له أم وزوجه حميمه
واعطيه من عمري بقايا لياليه


تقبل تحياتي محبك/ نبع الوفاء