[ابن جـــــــراح]

هذه ابيات لي كتجربه شعريه عسى ان تحوز على رضاكم ان شاء الله

وكما تعلمون انني لست بشاعر ولكن محاوله في هذا المجال ارجو ان انجح فيها ان شاء الله

عيني يسامرها الشقى تالي الليل = مدري علام العين عيت تهجعي
يمكن يصيب العين ظيم وبهاذيل = واليا غفت فاقت وجا العلم رجعي
او هو يجي شعري على مسرج الخيل = يوقظ هجوس الفكر واعطيه سجعي
والا سبب بنت الرجال المشاكيل = ما هيب بنت الشيخ كامل ونجعي
ام العيون النجل سود(ن) مضاليل = بنت الشجاع الي على الدوم شجعي
وساق الغضي يشكي من اردافه الويل = يرتاح لا منّه خذا الوضع ضجعي
والخصر يشكي الجور والذل والميل = مركوزة النهدين مفجوع فجعي
مدري يبيها عشق والا غرابيل = ارسل سهام الموت ثم طحت وجعي

وتقبلوا فائق احترامي وتقديري