[سفير الجهوم]

من خلقتي ماصادق النذل واللاش =اللاش مابيني وبينه علاقه
يضحك دقايق معك والقلب غشاش=يخدع غشيمن مادرا عن نفاقه
من رافق الانذال فالوقت ماعاش=اهل النمايم والعلوم الدقاقه
ناسن صداقتهم تراها على ماش=هاذي تراني ماعتبرها صداقه
اللاش لاجاء لازمك حاص ونحاش=ماينفعك لو هو من ادنى الرفاقه
دايم يفتش عيب الاجواد فتاش=مايدري ان كله عيوبن وعاقه
اهل النقيلي خلو الفكر ينداش=يسعون في تفريق صف الرفاقه
واللي ينقش صاقط الحكي نقاش=عيا وفاقي لا يماشي وفاقه