يا هيه ياللي تفاخر بأشين افعالك=قال المثل طعنة الأعراض دواره
وش عاد لورقمها في وسط جوالك=وإنك تعرف اسمها والبيت والحاره
ماهي شجاعه عسى الله يصلح احوالك=تصير ما دامت الأخلاق منهاره
وإن كان شيطانها لا جيت غنالك=ترى دروب الهوا والطيش غداره
ترى طريق الغرام اللي تهيالك=نهايته طيحتك في وسط عباره
حتى ليا مرت الذكرى على بالك=ودك تستر على ماضيك بأستاره
و تخاف من طعنتن بالغدر تهدالك=من زار عرض البشر موعود بزياره
وإن قلت ياشيخ فال الله ولا فالك=اقولك غيرة الرحمن جباره
نسيت رب العباد ومهلك الهالك=اللي يعد الجزا للنفس الأماره
من غيره اللي عليم بخافي اعمالك=تب له ترى توبتك للذنب كفاره
عايض ابو شيبه السبيعي