{ يقول أبن صامل}
يقول أبن صامل فمبدى كلامه *** نصيحتن لأهل العقول اللبيبة
نصيحتن لأهل الوفا والكرامة *** ماني بدور من وراها طليبة
الوقت متغير وغير نظامه *** أفعول سودان الوجيه الغضيبه
بعض العرب ذالوقت صايرطعامه *** غشن وبهتان ونميمة وغيبة
وبعض العرب يالله منك السلامة *** تلقى البلاوي كلها وسط جيبه
أبعد عنه هذا الردي الهلامه *** اللي حياته في ضياعن وخيبة
وخلك معا رجلن رفيعن مقامه *** يغمرك بالتقدير من زود طيبه
أليا دعيته ماتراعد عظامه *** يوقف معك ضد اليال العصيبه
ويرجوالصميلي بعدمانهى كلامه *** أن النصيحه تأجد أذنن مجيبه
وصلاة ربي عد وبل الغمامه *** وعداد من صلو بمكه وطيبه
على شفيع الخلق يوم القيامه *** اللي بذل للدين شبه وشيبه
من شاعرن مرضات ربه مرامه *** ومن يفعل المعروف بمثله جزيبه