السلام عليكم ورحمة الله وبركاته
هذه القصيده وجهتها للشاعر المبدع / نايف الناقول
أضعها هنا ليقرأها نايف
وليعلم بأنه يستحق أكثر من ذلك
شاعر ورجل عرفته عن قرب بأصالته وطيب كرمه
هذه القصيده مرسله مع / فهيد بن علي بن بدن
يابو علي يا فهيد بلّغ سلامي=للصاحب اللي شوفته تطرب الشوف
قلّه حداني دون شوفه دوامي=أو قلّه أنّه ردته عنك ظروف
سنّد على الناقول نايف كلامي=رجلٍ على فعل المواجيب معروف
رجلٍ كريم ومن رجالٍ اكرامي=أخذوا المراجل بنك والجود مصروف
ربعٍ كما عدٍ يروّي الظوامي=والشح كرته عند الأجواد محذوف
بصحونهم تلقى كبار السنامي=في كل بيتٍ جيت تلقابه ضيوف
عدوّهم ما ذاق طعم المنامي=موته أكيد ولايبي عام وحلوف
أعتبره أنّه راح ضمن العدامي=وأنا أشهد انّه قد تمكّن به الخوف
كم بيت شيخٍ راح منهم هدامي=عقب المعزّه أصبح حفرّ وجروف
خوة هل الماجوب غاية مرامي=أدري المعزّه ماهي بقاف وحروف
بأوصيك أنا يا فهيد بلّغ سلامي=للصاحب اللي شوفته تطرب الشوف
تحياتي لكل من مر من هنا
أخوكم / راكان محمد .