بسم الله الرحمن الرحيم
القصه التي كتبت لاجلها هذه القصيده هو انه كان لي صديق وكان يخاوي من هب ودب وكنت دائما انصحه بان يحذر من بعض الناس ولم يستجب لي فصار له موقف مع احدهم وتندم على خوته وكتبت له هذي القصيده عسى ان تنال اعجابكم:-
لا خيرك زمـــانك بين خــوة الـــذيب *** والا شيــــــاه تتبع حمار راعيهـــا
عليـــك ياصاحبــــــي بمورد الطيب *** ترى المراجل تراعي من يراعيها
خلك مع الرجـــــــال اهل المواجيب *** اهل الكرم والطيب تمشي مواشيها
واحذر حذارك من كثيـــــر العذاريب *** خبيث طبـــــــع والمراجل معاديها
وسماع هرج المره مثل المجـــاليب *** تسعى به الحـرمه خابت مساعيها
ان صاحبت صاحب وان غابت يغيب *** عرفناك ياخايب ترجي مراجيهــــا
وإسفه سفيه الراي عسر المطاليب *** مايفهم الحكمــه ولايعرف معانيها
إسمع كلامي وافهمــه يا لـــــبيب *** كان ودك راحه البال تشريهــــــا
وهذا قصيدي فيه رغبـــــه وترهيب *** وترى الحماقه اعيت من يداويها
وسلامتكم