الى جميع اعضاء الأداره مع التحيه
قالو لنا المنتدى مفتوح ومعمر = قلنا عسى كل يوم يزيد تعميره
وقالو لنا ابو عمر عن ساعده شمر = يقرا ويكتب ويبني فيه ويديره
قلنا نزوره نشارك معه ونعمر = ومن غاب مفروض ماتقبل معاذيره
كله على شان(خالد) نتعب الظمر = ننصاه حتى نوردهن على بيره
الطيب اللي على درب السنع غمر = لجل المعالي بذل جهده وتفكيره
لكن لقيت الشعر يشكي ويتذمر = مقهورمن الصد والحرمان والحيره
يقول لي موقعٍ(ن) محجوز ومسمر= لكن مهجور ما شفنا مساييره
والظاهر ان غرس( خالد) مابعد ثمر = وراعي التقارير مادقق بتقريره
لوينتهي منتدى(السبعان) ويدمر = من اللي سعى غير(سبعانه) بتدميره
النار شبت ودالوب الهوا سمر = لعل الأعضاء تنافس لجل تطويره
ماهمنا قول بعض الناس لو زمر = مانيب مسؤل عن رايه و تعبيره
اما تشبون ناره عقب ماجمر = والا نعزي(الشماسي) في جماهيره