[عبدالله القريشي]

يا نديبي قرب اللي جديداً بالطراز = والمثلث فوق خشمه علامات البنوز
سرحه من عندنا وامسك الخط العزاز = ولامسكت الخط لاتردعه خله ينوز
لوتزود سرعته مايجي فيه اهتزاز = ماسمعت الصوت وسط المكينه والقزوز
ولالفحك الحر من سرعته صك القزاز = والمكيف معك شغال باًزرارورموز
نصه اللي بالوفاءوالكرم والطيب فاز =لوكلاه الدين عن المراجل مايجوز
جربوه وخذ على الطيب مرتبة امتياز = وعادة الطيب على الطيب بالمركزيفوز
ذاك مقعد بن سعد من دياحيناًََ اعزاز = لوتبحث طيبهم جاك كنزاً من كنوز
وقله اني ساكنٍ في محلات الحجاز = كان ما جانا رطوبه يجينا العصرطوز
والله اني ودي اجيه كان انه مجاز = بس انا بلشان عند البزوره والعجوز