[محمد بن سلطان]

لا هنت يا بن ماضي .. والنعم في بني تميم كل ابوهم ..

والفريس عندنا وعندكم واجد .. وبني عامر بعد ترى من اكثر العرب واقواهم شوكه من غير قصور في باقي القبايل

وكل القبايل في الهيّات والمعارك تهزم وتهزم .. لكن يا بن ماضي .. حنا سمونا الغلبا لكثرة ما نغلب .. ومثل ما جا في القصه اللى انت ذكرتها .. انه ما بقا احد من بني تميم مالحق فريس بني عامر .. يعني اضعاف فريس بني عامر لحقوهم ..
والكثره تغلب الشجاعه ..


وهذلا بني عامر اليوم ..
على سبيل المثال لا الحصر :
قبيلة سبيع ، السهول ، بني هلال ، عايذ ، ثقيف ، بني سلول ، بني كعب ، آل يزيد وعباده و المنتفق

وكل قبيلة من ذولي لا تعد ولا تحصى ..

وتالي والنعم فيكم يا بني تميم .. ترى مهما قلنا من معارك كانت بيننا ماراح تغير ان بني تميم وسبيع اهل وجماعه .. ومهما مدحناكم يا بن ماضي ماراح نوفي حقكم ..

بني تميم اللي على القلب غالين /// عزّ(ن) ودين وزود قدر ومهابه

هذا البيت مني لكم يا عزوتي ..

((ان اخطات فمن نفسي وان اصبت فمن الله ))
والله اعلم ..

وتحياتي للجميع ..

ودمتم سالمين ..

اخوكم
محمد بن سلطان الثوري