ماذا يحدث بعد قيادة المراه في السعوديه
كُتب : [ 15 - 12 - 2005 ]
وش صار بعد سواقة الحريم في المملكة :
- حصة تسفط يمين وتضع مولودها الأول على طريق المطار بدون عدة التوليد وموضي تسحب
مويه حاره من الأديتر حق المكينه عشان شغل التوليد !!
- الاستاذه نوره مشيوفتن في ورشه تغير بواجي سيارتها وكانت جالسه على كرسي ابو يمن وحاطه رجل على رجل وتقلب في الجوال والحساب خمسمية ريال بعد الخصم.
- أم سليمان دخلت بالكامري على سوق الهرم وكسرت الزجاج الأمامي ويقال انها مستعجلة
على التخفيضات !!
- خلود عرفت ان فيه شي اسمه تغيير زيت السياره وبعد ما راحت للمحطه طاحت سيارتها في حفرة تغيير الزيت وتطالب بتعويض تقول ليش ما دفنتوا الحفره !!
- تماضر في قسم المرور للرخص تقول ابي رخصتي لونها فوشي ولا خلوها لكم!!
- طالبة في الجامعة تسوي حادث على طريق الملك فهد وتنعدم سيارتها البي أم دبليو لكنها مبسوطه تقول اهم شي جوالي ما جاه شي!!
- ثلاث أخوات يسرقون مفتاح سيارة أمهم لأجل شراء ايسكريم كون زون!!
- طقاقه تسوي حادث على طريق الدائري الجنوبي وبعد التحقيق علموا انها استنزلت والسبب هو تركيب 17 سماعة في خلفية السياره وكان الشريط يردح للفنانه زبيده!!
|