اليكم هذه القصيده الرائعه للشاعر الاديب فلاح بن ضاوي الحنان واترك لكم التعليق
الغر يده
غريدة تشدو بحلو الأناشيد = فتنه تلامس كل قلب شقاوي
ملامسة عذب القوافي بتغريد = تأخذ منه بعض البلابل غناوي
الحرف بين اشفاتها فيه تجديد = يجدد الآهات لكن يداوي
ياحلو منهال القوافي من الغيد = بين الجراه وبين سجع حياوي
إطلالة ترسم براة القواصيد = نجم تعلى فوق روس العلالي
افزله كانه رضيعي من الديد = وثره صحيح ان القراين تخاوي
خوه تقربها ولو كانت بعيد = الله قسم بين الشجون التساوي
حييتها بسمي إعجاب وتأييد = قالوا غويت وقلت ماني بغاوي
اقول حيك يافلاح المساعيد = تحية الحنان نجاح ضاوي
لو عرضتني كلمتي للمناقيد = اقول والمسئول عشق الهواوي
اه وثلاثين اه ياصاحبي عيد = من حاجة ما تنوخذ بالمناوي
ماغير اردد قولت اه ترديد = لاقام يطويني من الوجد طاوي
وانت بقمي وتعرف سلم الاجاويد = فزعتك يطلبها سبيعي فداوي
حط الختم فوق المسمى بتاكيد = ولا نصحوني عن ضياع الهقاوي