الخيال اشهر من الحر النداوي= والندى رمز من اليمنى النديه
حيلة النصاب مقطوع الرجاوي= والله انه مايمشيــــــها عليه
(0+0) قلي كم يساوي؟؟؟؟؟؟= حلها الذمه من الذمه بريـــه
ليش دسيت الروايه وانت راوي=تعرف ان العاقبه ذنب وخطيــه
يوم جاك الليل في بر الصداوي= ضعت ياالراعي وضيعت الرعيــه
ليش سموا عود جاوه عود جاوي؟=وليش سموا الابجديه الابجديه؟؟
دلتك فاحت وانا عنها غناوي= قهوا قيس ,وقهوا ليلىالعامريه
لو لبست الجوخ والبشت الحساوي= مانته بنايف وزير الداخليــه
اعظم الامثال في شعر الخلاوي= ماطرقها باللحون السامريـــــه
وعزة ابراهيم والياس الهراوي= يضربون امثال هـــي وهـاي هيـه
من سمع سمعة شليويح العطاوي=ميز النفس الفقيره والغنيــــه
يوم طار الستر من مبسم مضاوي=ماطراه الا الشجاعه والحميــــه
الازّمه ماتغطيها الغطـــــاوي= والسلوب العنجهيه عنجهيــــــه
والله انك من بعيدين الهقــاوي= مار تجرفك الحميّا الجاهــليـــه
اسمع الفتوى من شيوخ الفتاوي= اسمها فتوى واسميها وصيـــــــه
ماهويت المستحيل الا انت هاوي=روح سرمدوالمسافه سرمديه
مار لا ينحني بك السيل النحاوي=رحت مثل الحبل في رقبةالمطيه
حاول انك ماتطيح الا متســاوي=لاتشب النار وتصيرالضحيه