يابجاد يامشكاي انا خاطري ضــــيق= وش حيلتك في ضيقة البال يابجاد
ضيقة عقيداً ضــــــــايقوه الملا حيق = يصــــبر وهو لأقام ماجا له أنداد
صبري قضا وأنا على الصأبرماطــيق= والصبر يامشــــــكاي يذبح أليا زاد
يبجاد يا ذ خر الرجال المطا لـــــــــيق = وش حيلتك يا نسل ذربين الأجداد
يابجاد قد لي مدةٍ ناشـــــــف الريــق = وهواجسي ما بين صــــدرٍ أوراد
بعض الهواجس تحرق القلب تحـريق= وأنا هوا جــيسـي جماعات وإفراد
لين ارجف الخفاق بين المعا لــــيـق = من الزمان إلي هضم حق الجــواد
شفت الحرار الشقر تخشى الغرانيق = وقتٍ مضاء تصيد واليوم تنصاد
والبوم له وكرٍ بروس الشواهــــــــيق = دنياً تغيرها على روس الإشهاد
أنا شهد أن الوقت ماله مواثـــــــــــيق = و أنا شهد أني منه يابجاد زهادد