هذه القصيدة مهداه للملازم أول : عبد الله بن خالد بن طريخم السويدي السبيعي
ومساعدة / رقيب / ضيف الله بن سفر العتيبي
بديت بسم الله عظيم الجلالي = أبدآ بذكر الله جل جلاله
أنظم بيوت مثل نقد الريالي = بيوت شاعر ما شراها رياله
أمدح بورث الجود منصى الرجالي= ترحيبته للجار واللي عناله
من دون وجهه مرخص كل غالي = يفداك حاله قبل يفداك ماله
لا كلحت لنياب وإن جيت جالي =وإنهدت الجيلان ما أنهد جاله
هذاك أبو خالد كريم السبالي = رمز الكرم والجود واصل الشكاله
عبد الله اللي فزلي وإرتكالي = ولو كان أنا حملي ثقيل ارتكاله
يوم إني طالب وإمحصور مجالي = خلى طموحي ورغبتي من مجاله
وإمساعدة ركن يشيل الجبالي = ضيف الله ، الله ميزة بالجزاله
أبو سفر شرواه يرقى المعالي = حاز الوفاء والطيب والعز ناله
ماني بشعري أتطلفى وألالي = لكن معروف الرجال إنحماله
لا صار يوخذ من قصيدي مثالي = أجزل بيوت الشعر تصبح أمثاله
لا شك أبين ووضح اللي بدالي = لو كان غيري ما بدالي بداله
وصلوا عدد ما هل وبل الخيالي= على رسول الله منشي خياله
الشاعر / شجاع بن محمد البحيح السبيعي