[بدر محمدالسبيعي]

يسعدني أن اشارك بهذه القصيدة وقلتها في أحد المناسبات التي أقامها عويد حباب المكيحيلي السبيعي بحضور جمع من القبائل وشعراء النظم والمحاوره المعروفين

يالله ياربـنـا يامعتـلـي يـارحــوم=ياغافر الزلـه اللـي منـك غفرانهـا
ياواحد ٍ تقبل التوبـه وتجلـى الهمـوم=واللـي توبـتـك مفـتـوح بيبانـهـا
سبحان رب ٍ بتدبيـره تسيـر الغيـوم=بأمره تـروح وتجـي وتهـل ودانهـا
بسمك طلبتك بيـوت ٍ حظهـا ماينـوم=بيوت شعـر ٍ تهـز النـاس قيفانهـا
ثم طالبك وقفة ٍ فيهـا قـوي العـزوم=ناقـف وترسـي سفينتنـا بربانـهـا
آقف وارحب واهلي بالرجـال القـدوم=ترحيبـة ٍ تنبـت الازهـار بحضانهـا
يامرحبا بالرجال اللـي تجيـب العلـوم=من روس قوم ٍ تزايـد فـوق بنيانهـا
يامرحبا بالضيـوف ومرحبـا بالعمـوم=ترحيبة ٍ تبتسم مـن شـان ضيفانهـا
في حلة ٍ طيبها فـوق المعالـي يقـوم=من طيب اهلها تشوش ويعتلي شانهـا
عند الرجال العريبـه طيبيـن الرسـوم=اتكـرم ضيوفهـا وتـعـز جيرانـهـا
في طيبهم نفتخـر ياربعنـا كـل يـوم=كلمة شرف قلتهـا والطيـب عنوانهـا
البيض ترفع لهم في نايفـات الرجـوم=والناس تشهد لهم من ماضي ازمانهـا
هم عزوتي لاحصل ميقاف ماهم رخـوم=لاد الحثيـري علـى ميقـاف جدانهـا
واخص بالذكر رجل مقـدر ٍ ومحَشـوم=بو ماجد الظفـر قايـد روس فرسانهـا
شيخ ٍ وقرم ٍ تحدر من سلايـل قـروم=يخوض فعل المراجـل وسـط ميدانهـا
لاعل يفـداه خبـل ٍ فالملاقـا امهـزوم=اللي يشـب الفتـن ويشـب نيرانهـا
صقر ٍ تعلى على ضلع المراجل يحـوم=والمرجله ثابته مـن فـوق سيسانهـا
المكحلي عزوته لاصار وقـت اللـزوم=والنعم بالعـزوه اللـي بـان برهانهـا
العزوه اللي على طـول الليالـي تـدوم=عزوة شرف ترفع الهامـه بشجعانهـا
وسبيع هم لابتـه لازاد حـر السمـوم=اللابـه اللـي تعـز الـدار واركانهـا
( حنا سبيع ) وسعدنا فوق بيض النجوم=لاقامـت المعـركـه وازداد دخانـهـا
في سوقنا ماحد ٍ يقـدر يبيـع ويسـوم=وقوم ٍ تضد السبيعـي مـات سلطانهـا
هاك الزمن يوم به ماخذ وفيه امحـروم=ماناخذ الا مـن اللـي غالـي اثمانهـا
لاسلـت اسيوفنـا وتخالفـن السهـوم=وكل ٍ معـه بندقـه مضبـوط نيشانهـا
باذن الولي خصمنا يوم اختلاف الخصوم=يبطي وهي وجعته ونقـول لـه عانهـا
وان كانها بالتسامح والرضى والسلـوم=ناطا على الفتنه اللـي قـام شيطانهـا
وكل القبايل ( نعم ) لاقابلت كـل قـوم=اتفضل المـوت دون الـدار واوطانهـا
محفـوظ تاريخهـا وموثـق ٍ بالرقـوم=تفخر بفعل الرجـال وفعـل شيخانهـا
واليوم حنا سوا صف قـوي امحـزوم=دون الشريعه وتخسـى كـل عدوانهـا
وآخر كلامي بريح الطيب مسك امختوم=اقولهـا بـسـم ديرتـنـا وسكانـهـا
وبسم القبيله وواديهـا رفيـع الحـزوم=واقولهـا بسـم غافتـهـا وخدانـهـا
يامرحبا بالضيـوف ومرحبـا بالعمـوم=ترحيبة ٍ تبتسم مـن شـان ضيفانهـا

وسلامة الجميع