[QUOTE=قايد الطوابير]بسم الله الرحمن الرحيم
في هذه المناسبه انقل لكم قصيدة الشاعر ناجي بن سعد السبيعي ابوليل موجهه الى حمود بن محمد بن وطيان السبيعي...
بصرف النضر ياحمود عن فايت فات = وش هقوتك بيامنا المقبلاتي
ان كان باقي فالليالي حلاوات = زانت لنا للجيات والرايحات
وعشنا مع الايام طربة ولذات = لابه حياه الى وراها مماتي
من يوم جيت من الديار العذيات = معادلك يم الطويله شفاتي
بمخطط العشريين شارع سلامات = غديت بين الوارد والصادراتي
منت بتجيني في علو العمارات = وان جيت يمك قيل ودا البناتي
اعداك شيال الحمول الثقيلات = يشفق على المغباش قبل الصلاتي
نسيبك للي كل ماقلت وش فات = قال انا بسند للغنم وغرساتي
دنياك يابن وطيان ماهيب مشهات = يكفيك منها شربة في طراتي
انتهت قصيدة ناجي بن سعد ابو ليل...
وهذه القصيده ردها حمود بن محمد على ناجي قال فيها...
اسمع كلام صح مافيه زلات = اللي كلامه زين يامرحباتي
انته من اللي ينطحون المهمات = ربع على ظهور النظا المرهفاتي
العلم الاول مايجيب السهولات = والعلم الاخر عندكم له مباتي
قصدي علوم الطيب والطيب عادات = من عصرنا ها الحين والاولاتي
لاجيتني حقك خروف مع الشات = وان كان جنبت طريقك سلاماتي
يابو محمد هات هيهات هيهات = علمك مع الطيب يجي له حلاتي
نسيبي اللي قلت وقول باالذات = رجل كريم من جميع الجهاتي
وتحلها وأن كان في الامر حلات = ولا عليها كثروا الالتفافي
ابو محمد للعلوم الصعيبات = ولحد يسوي فيه والله سواتي
يأبو ليل البلد فيه الخلات = تدري بها من قبل تسمع وصاتي
لاضاق بالك خذ مع الناس سجات = صفاتكم ضني تقارب صفاتي
ختامها مني عداد الصلوات = اللي فرض الاسلام هو الصلاتي.
بيض الله وجهك قايد الطوابير ولاهنت على النقل المميز .
وصـــــح لسان شاعرنا الكبير // ناجي ابوليل .
وحمود بي محمــــد الصنادلــــــــــــــــه .. تقبل تحياتي