وقيل فيه ايضاً :
سار القلم يقطف من الورد نوار
واقطف من لمعنى جديد العبارة .
وليا نصية انصى من الناس بيطار
ولا الــردي لابوه لابو ديـــــاره .
تكفي يابو نايف ترى البال محتار
بين القبول وبين رفض الإدارة .
يابن الكريم اللي له الطيب يندار
صيته من الياقوت يشعل نواره .
أنا دخيل البيت يوم الزمن جار
دخيل بيتك لين ينــــزل قراره
تكفى ترى تكفى لها تاج وشعار
ومن صد عن تكفا حياته خساره .
واقبل تحـــــــيات بها بن وبهار
للصاحب اللي ما تغير مساره
من الشاعر/
سعود بن عبدالله مهذل القحطاني
وقيل فيه ايضاً :
البيض تثنى لابن ثفنان وأمثالـــه ,,
الي أفعوله مع العالم تذيع ابــــها
ابومحمد عساها تكثر اشكـــالـــه
الي عرف قيمة الرتبه وواجــبها
اللي يتابع وراء الموضوع من حاله
ودراء بالاوضاع قدمني دريت ابها
وافي ودايم يقدر وضع من جــاله
وكلمت نعم حاشها حظه وفازبها
لاعدوا اهل المراجل عد بفــعــاله
المرجله مع هل الطولات كاسبها
من جاه في لازمٍ حطه على بالـــه
ونفسه على المرجله والطيب متعبها
عسا الله يوفقه ويطول امهالــــه
الي لوازم سبيعاً يستهم ابهــــا
الطيب اللي مثل شرواه يعنالــــه
ينهي المواضيع ويسهل صعايبها
قدام انا اجيه كلاً لــنا قــــالــــه
واليوم انا جيته بعيني لين شفتبها
يتعب بنفسه وغيره خاسراً ماله
خسارة المال عنده مايحاسبها
عطا رقم مكتبه مع رقم جوالـــه
هم قال انا ابخص بدعواكم واهم ابها
شان الولد شأننا وانا بنسعالــــه
في حاجته لين احقق له مطالبها
لاتشتحن منه من يوم اعتزيناله
لابد من ساعةٍ تحمد عواقبهــا
ابريت للي يعلم بكلٍ وحــالــــه
ربً جميع البشر دايم يراقبها
صلاة ربي على محمد وعلى آله
عد الذواري لياهبت هبايبــــها
الشاعر /
عمر ابن حزمي السبيعي